នៅក្នុងការស្វែងរកការងារ ឬដាក់ពាក្យធ្វើការនៅកន្លែងណាមួយ ពិតណាស់ការរៀបចំ CV ឬ ប្រវត្តិរូបសង្ខេបជាភាសាអង់គ្លេស គឺជារឿងសំខាន់ និងមិនអាចខ្វះបាន។ បញ្ហាមួយដែលអ្នកជ្រើសបុគ្គលិកតែងជួបប្រទះនោះគឺ អ្នកដែលមកដាក់ពាក្យសុំចូលធ្វើការ មិនសូវចេះរៀបចំ CV ឬធ្វើ CV មិនត្រូវតាមស្ដង់ដារ។
កន្លងមកដើម្បីទទួលបាន CV ឬប្រវត្តិរូបសង្ខេបនេះ គេត្រូវជួលអ្នកសរសេរ ឬក៏ពឹងពាក់អ្នកធ្លាប់សរសេរ ដើម្បីឱ្យត្រូវតាមស្ដង់ ប៉ុន្តែសម័យនេះគេមានគេហទំព័រ ដែលយើងអាចចូលទៅសរសេរ CV ឱ្យត្រូវស្ដង់ដារដោយខ្លួនឯងបានមិនបាច់ពឹងពាក់គេឡើយ។
cvmkr.com គឺជាគេហទំព័រដ៏ល្បី និងត្រូវបានមនុស្សនៅជុំវិញពិភពលោកប្រើប្រាស់ ដើម្បីសរសេរ CV។ លោកអ្នកអាចចូលទៅគេហទំព័រនេះ ដើម្បីបង្កើត CV ដោយខ្លួនឯងបាន។ បន្ទាប់ចូលទៅ ដំបូងត្រូវយកពាក្យថា Create a cv now រួចបំពេញក្នុងប្រអប់។
អ្វីដែលពិសេសនេះ លោកអ្នកអាចចូលទៅសរសេរអំពីព័ត៌មានផ្ទាល់ខ្លួន បទពិសោធន៍ធ្វើការងារ ការអប់រំ ចំណងចំណូលចិត្ត និងព័ត៌មានមួយចំនួនទៀត។ ក្រោយសរសេររួចរាល់ យើងអាច Save File ជា PDF, HTML, TXT បានផងដែរ។
អត្ថបទដោយ៖ ផែន ផាន់ណា
