លោក Wang Chuanfu គឺជា អគ្គនាយកប្រតិបត្តិ (CEO) និងអ្នកបង្កើតក្រុមហ៊ុន BYD ដែលជាក្រុមហ៊ុនផលិតរថយន្តអគ្គិសនីធំបំផុតនៅលើពិភពលោក។ លោកកើតនៅឆ្នាំ ១៩៦៦ នៅខេត្ត Anhui ប្រទេសចិន។ បន្ទាប់ពីបញ្ចប់ការសិក្សា វិទ្យាសាស្ត្រ និងសារធាតុគីមី ព្រមទាំងការសិក្សាអនុបណ្ឌិតពីវិទ្យាស្ថានស្រាវជ្រាវ Beijing Non-Ferrous ។ ពីមុនការងារដំបូងរបស់លោក Wang បានធ្វើការជាអ្នកស្រាវជ្រាវឲ្យរដ្ឋាភិបាល និងជាអ្នកគ្រប់គ្រងទូទៅនៃក្រុមហ៊ុន Bige Battery។

BYD បានបង្កើតនៅឆ្នាំ ១៩៩៥ មុនពេលឈានដល់ការបង្កើតក្រុមហ៊ុនធំ លោកបានខ្ចីលុយ ៤០០០០០ដុល្លារ ពីបងប្អូនជីដូនមួយរបស់ខ្លួនដើម្បីចាប់ផ្តើមបង្កើតក្រុមហ៊ុន BYD Firm ដែលដំបូងឡើយគឺផលិតថ្ម និងមានបុគ្គលិកត្រឹម ២០នាក់ប៉ុណ្ណោះ នៅឆ្នាំ​១៩៩៥។ ដោយបច្ចុប្បន្ន BYD គឺជាក្រុមហ៊ុនបច្ចេកវិទ្យាខ្ពស់របស់ចិន ដែលមានទីស្នាក់ការកណ្តាលនៅទីក្រុង Shenzhen ខេត្ត Guangdong។ ឈ្មោះ BYD តំណាងឱ្យ "Build Your Dreams"។ ដំបូងឡើយ ក្រុមហ៊ុននេះត្រូវបានបង្កើតឡើងក្នុងឆ្នាំ 1995 ជាក្រុមហ៊ុនផលិតអាគុយដែលអាចសាកបាន ហើយបានរីកចម្រើនក្លាយជាក្រុមហ៊ុនផលិតរថយន្ត និងក្រុមហ៊ុនផលិតអាគុយធំជាងគេមួយរបស់ពិភពលោក។ BYD ផ្តោតសំខាន់លើការអភិវឌ្ឍន៍បច្ចេកវិទ្យាថ្មីៗ ជាពិសេសនៅក្នុងវិស័យយានយន្តថាមពលថ្មី (NEVs) ដែលរួមមានរថយន្តអគ្គិសនីសុទ្ធ (BEVs) និងរថយន្ត Plug-in Hybrid (PHEVs)។ ក្រុមហ៊ុននេះក៏ផលិតអាគុយសម្រាប់រថយន្តអគ្គិសនី និងប្រព័ន្ធផ្ទុកថាមពលផងដែរ។

ការលូតលាស់ និងភាពជោគជ័យក្រោមការដឹកនាំរបស់លោក Wang Chuanfu ក្រុមហ៊ុន BYD បានក្លាយជាក្រុមហ៊ុនផលិតរថយន្តអគ្គិសនីធំបំផុតដែលមានភាពល្បីល្បាញជុំវិញពិភពលោក ។ ត្រីមាសទី 1 ឆ្នាំ 2025: ក្រុមហ៊ុន BYD បានលក់រថយន្តថាមពលថ្មី (NEVs) សរុបចំនួន 1,000,804 គ្រឿងនៅទូទាំងពិភពលោក។ ចំនួននេះរួមបញ្ចូលទាំងរថយន្តដឹកអ្នកដំណើរ និងរថយន្តពាណិជ្ជកម្ម។ ការលក់រថយន្តដឹកអ្នកដំណើរ NEV មានចំនួន 986,098 គ្រឿង ដែលកើនឡើង 57.93% បើធៀបនឹងត្រីមាសទី 1 ឆ្នាំ 2024។ ក្នុងចំណោមរថយន្តដឹកអ្នកដំណើរ NEV ទាំងនោះ មានរថយន្តអគ្គិសនីសុទ្ធ (BEVs) ចំនួន 416,388 គ្រឿង និងរថយន្តអគ្គិសនីចម្រុះដោតបញ្ចូល (PHEVs) ចំនួន 569,710 គ្រឿង។

ការលក់នៅក្រៅប្រទេសរបស់ក្រុមហ៊ុន BYD ក្នុងត្រីមាសទី 1 ឆ្នាំ 2025 បានឈានដល់កំណត់ត្រាខ្ពស់បំផុតចំនួន 206,084 គ្រឿង ដែលកើនឡើង 110.5% បើធៀបនឹងឆ្នាំមុន។ ខែមីនា ឆ្នាំ 2025: ក្រុមហ៊ុន BYD បានលក់រថយន្តចំនួន 377,420 គ្រឿងនៅក្នុងខែមីនា ដែលកើនឡើង 24.78% បើធៀបនឹងឆ្នាំមុន។ ការលក់រថយន្តដឹកអ្នកដំណើរនៅក្នុងខែមីនាមានចំនួន 371,419 គ្រឿង ដែលកើនឡើង 23.14% បើធៀបនឹងឆ្នាំមុន។ ការលក់នៅក្រៅប្រទេសនៅក្នុងខែមីនាបានបំបែកកំណត់ត្រាប្រចាំខែថ្មីមួយ ដោយមានចំនួន 72,723 គ្រឿង ដែលកើនឡើង 89.22% បើធៀបនឹងឆ្នាំមុន។

គូសបញ្ជាក់ផងដែរថា នៅកម្ពុជាយើងក៏មានក្រុមហ៊ុន 𝗛𝗮𝗿𝗺𝗼𝗻𝘆 𝗔𝘂𝘁𝗼 ជាក្រុមហ៊ុនផ្ដាច់មុខ​ដែលទទួលបានសិទ្ធចែកចាយរថយន្ត 𝗕𝗬𝗗 ក្នុងប្រទេសកម្ពុជាផងដែរ។ សម្រាប់អ្នកដែលចង់ទិញរថយន្ត BYD ឬសួរនាំពីព័ត៌មានអ្នកទាំងអស់គ្នាអាចទាក់ទងតាមរយៈផេក BYD CAMBODIA និងទូរស័ព្ទលេខ 017 555 924។