លេខពិសេសផ្ទាល់ខ្លួន ជាជម្រើសមួយបន្ថែមសម្រាប់អ្នកដែលចង់បានផ្លាកលេខ ជាឈ្មោះ តួអក្សរ ឬ លេខ...ជាដើម ដែលអាចប្រើបានត្រឹម៨ខ្ទង់ដោយចំនួនខ្ទង់កាន់តែច្រើន តម្លៃកាន់តែធូរថ្លៃ។ លេខពិសេសផ្ទាល់ខ្លួន មានតម្លៃចាប់ពី២លានរៀលឡើងទៅចំពោះលេខ៨ខ្ទង់។

មិនមានអ្វីស៊ាំញ៉ាំទេ គ្រាន់តែចូលទៅកាន់វេបសាយដែលមានឈ្មោះថា vehicle.mpwt.gov.kh រួចវាយឈ្មោះផ្ទាល់ខ្លួនរបស់យើងនៅក្នុងប្រអប់ ស្វែងរកលេខ ដោយប្រើឈ្មោះជាភាសាអង់គ្លេស នោះប្រព័ន្ធនឹងធ្វើការបង្ហាញតម្លៃផ្លាកលេខទៅតាមឈ្មោះរបស់អ្នក។ កាលណាបើអ្នក ឈ្មោះរបស់យើងមានអក្សរកាន់តែច្រើន តម្លៃក៏ត្រូវគិតតាមហ្នឹងដែរ។

ស្របជាមួយគ្នាផងដែរ លេខរាជធានី-ខេត្តទូទៅ នៅតែដំណើរការធម្មតា ហើយមិនតម្រូវឲ្យផ្លាស់ប្តូរឡើយ ឯតម្លៃធម្មតា ហើយក៏មានលេខបញ្ចុះតម្លៃផងដែររួមមាន៖ ថយ១ស៊េរី ចុះតម្លៃ ៥០%, ថយ២ស៊េរី ចុះតម្លៃ ៧៥%, ថយ៣ស៊េរី ចុះតម្លៃ ៩០%, ថយ៤ស៊េរី ចុះតម្លៃ ៩៥% និងថយចាប់ពី៥ស៊េរីឡើងទៅ ចុះតម្លៃ ១០០%។ (តម្លៃលេខ NIKA.001 = 2,920,400 រៀល) នេះបើយោងតាមការចុះផ្សាយរបស់ក្រសួងសាធារណការនិងដឹកជញ្ជូន។

អត្ថបទដោយ៖ ផែន ផាន់ណា