អស់រយ:ពេលជាង ៣ឆ្នាំ អ្នកដែលបានកក់រថយន្តអគ្គិសនី Tesla Cybertruck ជាង ៣លាននាក់ ក៏ទទួលបានការដំណឹងអាប់ដេតថ្មី ទាំងសប្បាយចិត្តនិងពិបាកចិត្ត ដោយលោក Elon Musk បានបញ្ជាក់អំពីតម្លៃរបស់ CyberTruck អាចនឹងកើនតម្លៃខ្ពស់ជាងមុន ប៉ុន្តែប្តូរមកវិញជាមួយការអាប់ដេតនូវបច្ចេកវិទ្យាថ្មី និងមានសុវត្ថិភាពជាមុនផងដែរ ។
បើយោងតាមការចុះផ្សាយចេញពីគេហទំព័រ electrek.co បានឲ្យដឹងថា បន្ទាប់ពីដំណឹងនៃការផលិត រថយន្តអគ្គិសនី CyberTruck នៅពាក់កណ្ដាលឆ្នាំ២០២៣ កន្លងទៅមក ខណ:ពេលនេះដែរ លោក Elon Musk បានបញ្ជាក់ពីតម្លៃរបស់ cybertruck ចំនួន ៣ ជម្រើស ដែលត្រូវបានឡើងថ្លៃជាមុន ១០០ដុល្លារ គឺចាប់ពី ៤ម៉ឺនដុល្លារឡើងទៅ ខណ:ដែលតម្លៃពីមុនគឺ ៣៩៩00ដុល្លារ ។
គួរបញ្ជាប់ផងដែរថា Tesla គ្រោងនឹងផលិត CyberTruck នៅរោងចក្រធំ Gigafactroy Taxas នៅទីក្រុង Austin៕
អត្ថបទដោយ៖ ព្រឹម ភក្តី
