បច្ចុប្បន្ន រដ្ឋាភិបាលអាមេរិកបានបង្កើតគេហទំព័រថ្មីមួយ ដើម្បីអនុញ្ញាតឱ្យសាធារណជនអាចចូលមើលភស្តុតាងទាំងនោះបានភ្លាមៗ ដោយមិនចាំបាច់មានការអនុញ្ញាតពិសេសដូចកាលពីមុនឡើយ។ មន្ទីរបញ្ចកោណបានលើកឡើងក្នុងសេចក្តីថ្លែងការណ៍ថា៖ មហាជនទូទាំងពិភពលោកអាចចូលមើលឯកសារដើម វីដេអូ និងរូបថត UAP (បាតុភូតមិនអាចកំណត់អត្តសញ្ញាណបាន) ពីគ្រប់ស្ថាប័នរដ្ឋាភិបាលសហរដ្ឋអាមេរិកនៅកន្លែងតែមួយ។

ទោះបីជាការបញ្ចេញឯកសារនេះ មិនទាន់អាចសន្និដ្ឋានបានថាជា មនុស្សភពផ្កាយ១០០% ក៏ដោយ ប៉ុន្តែវាបានបង្ហាញយ៉ាងច្បាស់ថា ពិតជាមានវត្ថុហោះហើរដែលមានបច្ចេកវិទ្យាចម្លែក និងល្បឿនលឿនខុសពីធម្មតា ធ្លាប់បានលេចឡើងនៅលើមេឃពិតប្រាកដមែន។ ក្រសួងការពារជាតិអាមេរិក ក៏បានសន្យាដែរថា នឹងបន្តបញ្ចេញឯកសារដែលនៅសេសសល់ជាបន្តបន្ទាប់ទៀតនាពេលខាងមុខ។

អ្នកទាំងអស់គ្នាអាចចូលទស្សនាវីដេអូដែលគេថតបាន ឬបណ្តុំឯកសារភស្តុតាងផ្សេងៗទៀត តាមរយៈលីងខាងក្រោមបាន។ ក្នុងវេបសាយមួយនេះបានបង្ហាញសកម្មភាព និងដំណាក់កាលជាច្រើននៃរឿងរ៉ាវចម្លែកៗក្នុង និងក្រៅភព ឬលំហអាកាសជាដើម៖ The Pentagon / AARO