ថ្មីៗនេះ ក្រុមហ៊ុន Toyota បានគ្រោងផលិតរថយន្តអគ្គិសនីថ្មី Toyota bz3 ត្រកូលរួមនឹង bZ4X SUV ដោយបានដាក់លក់ ក្នុងតម្លៃចាប់ពី ២៨០០០ដុល្លារ នៅប្រទេសចិនមុនគេនៅចុងឆ្នាំ២០២២ នេះបើយោងតាមការចុះផ្សាយពី INSIDEEVs ។
រថយន្តអគ្គិសនី Toyota bz3 ជាប្រភេទ Sedan ដែលត្រូវបានប្រើប្រាស់ជាមួយនឹងថ្ម Blade ដែលក្រុមហ៊ុន BYD ជាអ្នកផ្គត់ផ្គង់ ហើយអ្វីដែលយើងមិនដឹងនោះ គឺ ក្រុមហ៊ុន Toyota មានគ្រោងដាក់តាំងបង្ហាញ Toyota bz3 ក្នុងកម្មវិធីពិពណ៌ Beijing Auto show តាំងពីខែមេសាមកម្លេះ ដោយមានការរំខានពីជំងឺកូវិដ ១៩ ទើបមានការពន្យាពេលមកដល់បច្ចុប្បន្ននេះ ។
យ៉ាងណាមិញចំពោះទំហំរបស់រថយន្តនេះ ត្រូវបានគេប៉ានស្មានថា មានទំហំប៉ុនគ្នានឹង Toyota Corolla ប៉ុន្តែក្រៅជួរក្រោយមានលក្ខណ:ជាងគ្នាបន្តិច ។ ចំពោះថ្មរបស់រថយន្តនេះជាប្រភេទ Lithium-iron-phosphate (LFD) មានសភាពស្តើងជាងថ្មដទៃ ដែលជាបច្ចេកវិទ្យា Blade Technology របស់ក្រុមហ៊ុន BYD សម្រាប់ថ្មធម្មតាវាមានទំហំ ៩៩មីលីម៉ែត្រ រីឯថ្មដែលមាននៅលើ bz3 មានទំហំ ៥១មីលីម៉ែត្រ។
បើយោងតាម MIIT បានឲ្យដឹងថា រាល់ម៉ូទ័រអគ្គិសនីរបស់ bZ3 ក្រុមហ៊ុន BYD ជាអ្នកផ្គត់ផ្គង់ឲ្យដោយម៉ូទ័រនីមួយៗ មានកម្លាំង ១៣៥គីឡូវ៉ាត់ ឬ១៨១សេះ និងមួយទៀត ១៨០គីឡូវ៉ាត់ឬ២៤១សេះ ។
រថយន្តអគ្គិសនី bZ3 Sedan នឹងត្រូវបានត្រូវផលិតនៅទីក្រុង Tianjin ជាមួយខ្សែសង្វាក់ផលិតរបស់ bZ4X SUV ដូចគ្នា ចំពោះតម្លៃវិញគឺត្រូវបានគេដឹងថាចាប់ពី ២៨០០០ដុល្លារសហរដ្ឋអាមេរិក ៕
គួរបញ្ជាក់ផងដែរថា ទំហំថ្ម និងចម្ងាយនៃការបើកបរ ខាងក្រុមហ៊ុន Toyota មិនទាន់បង្ហើបនៅឡើយទេ ដូច្នេះប្រសិនមានព័ត៌មានបន្ថែម Technology Cambodia នឹងបកស្រាយជូនពេលក្រោយទៀត ៕
អត្ថបទដោយ៖ ព្រឹម ភក្តី
