ការទន្ទឹមរបស់បងប្អូនមកដល់ហើយ ឡានអគ្គិសនី Toyota bZ4X ស៊េរីឆ្នាំ២០២៣ ចូលមកស្រុកខ្មែរឮថាតម្លៃជាង ១០ម៉ឺនដុល្លារប៉ុណ្ណោះ ចំពោះ Option វិញជាប្រភេទ Limited ដោយអាចសាកថ្មពេញម្តង ជិះបានចម្ងាយ ៣៩០គ.ម ។
កាលពីពេលថ្មីៗនេះ Toyota bZ4X ស៊េរីឆ្នាំ២០២៣ បានបង្ហាញមុខជាលើកទី២ នៅប្រទេសថៃ ក្នុងកម្មវិធី Motor expo 2022 លើកទី៣៩ ជាមួយរូបរាងស្អាតប្លែក គ្មានបាណាខាងមុខ តែមានអំពូលភ្លើង LED ៤គ្រាប់ និងអំពូលភ្លើង Daytime Running light រាងជាអក្សរ J នៅផ្នែកខាងរីឯខាងក្រោយ រាងជាបន្ទាត់អូសកាត់ទទឹងរថយន្តតែម្តង ហើយចំពោះផ្នែកខាងអ្វីដែលគួរចាប់អារម្មណ៍ខ្លាំងគឺទៅលើ ដៃចង្កូតដែលមានរូបរាងស្រដៀងនឹងដៃចង្កូតយន្តហោះ ប៉ុន្តែគួរឲ្យស្ដាយ សម្រាប់ជម្រើស option Limited គឺមិនមាន ចង្កូតយន្តហោះឡើយ។
យ៉ាងណាមិញ ពេលនេះ Toyota bZ4X មានអ្នកធានានាំចូលមកកាន់ស្រុកខ្មែរហើយ ជាមួយនឹងជម្រើស Standard rang ប្រើម៉ូទ័រអគ្គិសនី ១គ្រឿង ២១៨ សេះ រត់ដោយប៉ុងខាងមុខ FWD និងថ្មមានទំហំ ៧១.៤គីឡូវ៉ាត់ម៉ោង ដោយអាចសាកថ្មម្តង ជិះបានចម្ងាយ ៣៩០គ.ម ។
គួរបញ្ជាក់ផងដែរ បើយោងតាមការបង្ហោះពីផេករបស់ក្រុមហ៊ុន Auto US Direct Cambodia បានឲ្យដឹងថា Toyota bZ4X Limited ស៊េរីឆ្នាំ២០២៣ សម្រាប់ការចូលមកដល់ខ្មែរ គឺមានតម្លៃជាង ១០៨២៨៩ដុល្លារសហរដ្ឋអាមេរិក ចំពោះឡានមួយទឹក ដោយគិតថ្លៃចំណាយទាំងអស់ តាំងពីការថ្លៃកាត់ពន្ធ កាត់ឈ្មោះ និងឯកសារមួយចំនួន រហូតមកដល់ខ្មែរ។ សម្រាប់ព័ត៌មានលម្អិតបន្ថែមអាចទាក់ទងតាម : ០៨៩២៨៨៦៨៧ ៕
អត្ថបទដោយ ៖ ព្រឹម ភក្តី
