នរណាខ្លះពូកែលេង TikTok មិនក្រោមពី ១០ម៉ោង ឥឡូវនេះមានក្រុមហ៊ុនមួយបានផ្តល់កន្លែងការងារ ដោយ១ថ្ងៃ ឲ្យ ១០០០ដុល្លារ ដោយគ្រាន់តែអង្គុយអូសលេង TikTok ១ថ្ងៃតែ ១០ម៉ោងប៉ុណ្ណោះ ។
យោងតាមប្រភពសារព័ត៌មាន Business insider បានឲ្យដឹងថា ក្រុមហ៊ុន Ubiquitous ដែលជាអ្នកផ្សាព្វផ្សាយពាណិជ្ជកម្មលើកម្មវិធី TikTok បានប្រកាសជ្រើសអ្នកពូកែមើល TikTok ចំនួន ៣នាក់ អង្គុយមើលវេទិកា ឬវីដេអូថ្មីៗ ដើម្បីស្វែងរក រឿងរ៉ាវដែលពេញនិយមបំផុត និងមនុស្សកំពុងតែតាមដានច្រើន (Emering Trending Topic) ដោយក្រុមហ៊ុនផ្តល់ទឹកប្រាក់ចំនួន ១០០០ដុល្លារ សម្រាប់អ្នកដែលអូសលេង TikTok បាន១០ម៉ោងក្នុង ១ថ្ងៃ ។
សម្រាប់ការដាក់ពាក្យចូលធ្វើការ ក្រុមហ៊ុនតម្រូវឲ្យ ចូលទៅបំពេញទម្រង់បែបបទ ក្នុង គេហទំព័រ Ubiquitous ហើយក្នុងនោះ គេតម្រូវឲ្យសរសេរអំពី “ហេតុអ្វីបានជាអ្នកសាកសមបំផុតជាមួយនឹងការងារនេះ?” ឲ្យបាន ៥០ ទៅ ១០០ពាក្យ, ត្រូវមានកម្មវិធី TikTok ក៏ដូចជាធ្លាប់ប្រើកម្មវិធីពីមុនមក ព្រមទាំងមានអាយុចាប់ពី ១៨ឆ្នាំឡើងទៅ។ ចំពោះពេលវេលាផុតកំណត់ដាក់ពាក្យ នៅថ្ងៃទី៣១ ខែឧសភា ឆ្នាំ២០២៣។
អត្ថបទ៖ ព្រឹម ភក្តី
