​​​​បើ​យោង​តាម​​​ប្រភព​​ពីសារ​ព័ត៌មាន​ក្នុង​ស្រុក​ ក្នុង​គេ​ហទំ​ព័រ​ ក្រសួង​សាធារណការ​ និង​ដឹក​ជញ្ជូន​​ បាន​ឲ្យ​ដឹងថា​​ លោកឧត្តមសេនីយ៍ត្រី វ៉ាន់ ហាវ៉ារី បាន​និយាយ​ដូច្នេះ​ថា​៖ “ កម្លាំងនគរបាលផ្លូវល្បឿនលឿន និងធ្វើការត្រួតពិនិត្យល្បឿន និងមានវិធានការផាកពិន័យ បទល្មើស ចាប់ពីថ្ងៃទី០១ ខែធ្នូ ឆ្នាំ២០២២នេះតទៅ ដើម្បីសុវត្ថិភាពរបស់ប្រជាពលរដ្ឋដែលជាអ្នកប្រើប្រាស់ផ្លូវ ចៀសវាងការបើកបរលើសល្បឿនកំណត់”។

បន្ថែម​លើ​ពីនេះ​ អនុប្រធាននាយកដ្ឋាននគរបាលចរាចរណ៍ ​បាន​ពោល​សារ​ផ្តាំផ្ញើទៅប្រជាជន​កម្ពុជាទាំងមូលថា ៖  ការផាកពិន័យចំពោះអ្នកបើកបរលើសល្បឿនកំណត់ នៅលើផ្លូវល្បឿនលឿននេះ គឺធ្វើឡើងក្នុងគោលដៅធានាដល់អាយុជីវិតរបស់ប្រជាពលរដ្ឋ និងក្រោយមើលឃើញថា អ្នកបើកបរមួយចំនួនហាក់សប្បាយរីករាយជាមួយនឹងការបើកបរលើសល្បឿនកំណត់ ដោយភ្លេចខ្លួនថា គ្រោះថ្នាក់អាចកើតឡើងបានគ្រប់ពេលវេលា៕

​​អត្ថបទ​ដោយ​៖ ព្រឹម​ ភក្តី​