មុខងារ Power Saving ដំណើរការដោយការបិទ ឬកាត់បន្ថយលក្ខណៈពិសេសមួយចំនួននៅក្នុង Telegram ដែលស៊ីថាមពលថ្មច្រើន ដូចជា៖

• Animations និង effects: ដូចជាចលនានៅក្នុង Sticker, Emoji, និងចលនានៅពេលប្ដូរផ្ទាំង។

• Autoplay វីដេអូ និង GIFs: វីដេអូ និងរូបភាព GIFs នឹងលែងដំណើរការដោយស្វ័យប្រវត្តិទៀតហើយ។

• ការទាញយករូបភាព ឬវីដេអូដោយស្វ័យប្រវត្តិ (preload media): កម្មវិធីនឹងមិនទាញយកឯកសារមេឌៀ (ដូចជារូបភាព ឬវីដេអូ) ដោយស្វ័យប្រវត្តិទៀតទេ។

ការបិទមុខងារទាំងនេះអាចជួយឱ្យកម្មវិធី Telegram ដំណើរការលឿនជាងមុននៅលើទូរសព្ទចាស់ៗ និងជួយពន្យារអាយុកាលថ្មរបស់អ្នកផងដែរ។

របៀបបើកមុខងារ Power Saving

អ្នកទាំងអស់គ្នាអាចកំណត់មុខងារនេះឱ្យបើកដោយស្វ័យប្រវត្តិនៅពេលថ្មរបស់អ្នកនៅសល់ដល់កម្រិតកំណត់ណាមួយ ឬក៏អាចបើកវាតាមការកំណត់ដោយដៃបាន។

ដើម្បីបើកមុខងារនេះ អ្នកអាចចូលទៅកាន់៖ Settings > Power Saving នោះអ្នកនឹងឃើញជម្រើសផ្សេងៗដើម្បីកែតម្រូវមុខងារនីមួយៗតាមចំណូលចិត្តរបស់អ្នក។

គូសបញ្ជាក់ផងដែរថា ប្រសិនបើអ្នកទាំងអស់គ្នាឧស្សាហ៍ប្រើ Telegram ហើយមិនបានបើកមុខងារនេះដើម្បីជួយទេ​ នោះថ្មទូរស័ព្ទអ្នកទាំងអស់គ្នានឹងចុះខ្លាំង និងឡើងកម្តៅជាងមុ​ននៅពេលអ្នកប្រើកម្មវិធី Telegram។