បច្ចុប្បន្ននេះ នៅប្រទេសចិន អ្នកប្រើប្រាស់ឡានអគ្គិសនីកាន់តែច្រើនឡើងៗហើយ អាចថាបានអនាគតចិនជិះតែឡានអគ្គិសនីសុទ្ធតែម្តង ហើយខាងក្រោមនេះជាក្រុមហ៊ុនយីហោឡានអគ្គិសនីចិនទាំង ៥ ដែលកំពុងតែមមាញឹកខ្លាំងបំផុត ជាមួយការលក់ឡានអគ្គិសនី នៅក្នុងប្រទេសចិន ។ បើយោងតាមប្រភពពីចេញផ្សាយពីសារព័ត៌មាន Business insider ។
១. BYD
BYD មកពីពាក្យពេញថា build Your Dream “កសាងក្តីស្រមៃរបស់អ្នក” យីហោឡានអគ្គិសនីរបស់ចិនមួយនេះ ជាគូប្រជែងដ៏ធំមួយ របស់ Tesla ដែលកំពុងតែដណ្តើមតំណែងគ្នា ក្លាយជាអ្នកលក់ឡានអគ្គិសនីបានច្រើនជាងគេនៅលើពិភពលោក ។
BYD មានជំហបង្គោលដ៏រឹងមួយ គឺលោក Warren Buffet ដែលជាមហាសេដ្ឋីលេខ ៤ មានជាងគេនៅលើពិភពលោក ដែលជាអ្នកនៅពីក្រោយខ្នង ដើម្បីប្រកួតប្រជែងជាមួយនឹងលោក Elon Musk ដែលជា CEO របស់ Tesla ។
ក្រុមហ៊ុននេះដែរ ធ្លាប់បានជាប់ជា Top-Selling EV Brand in China ជាយីហោដែលលក់ឡានអគ្គិសនីបានច្រើនជាងគេបង្អស់នៅក្នុងប្រទេសចិនកាលពី ឆ្នាំ២០២២ ដោយមានទិន្នន័យលក់១ឆ្នាំពេញ ចំនួន ៩00,000គ្រឿង នៃឡានប្រើអគ្គិសនីសុទ្ធ។
ដោយឡែកបច្ចុប្បន្ន ក្រុមហ៊ុន Berkshire Hathaway រឺបស់ លោក Warren Buffet បានលក់ភាគហ៊ុនមួយចំនួនធំចេញពី BYD ដោយហេតុផល មិនចង់ប្រជែងជាមួយនឹង Elon Musk នេះបើយោងតាមសម្តីដែលបាននិយាយកាលពី ការប្រជុំភាគហ៊ុន នៅថ្ងៃទី០៦ ខែឧសភា។ គួរជំរាបថា នៅសហរដ្ឋអាមេរិក BYD មានអាជីវកម្មតូចមួយប៉ុណ្ណោះ ។
២, Nio
Nio ជាម៉ាកយីហោឡានអគ្គិសនីទំនើបៗ លក្ខណ: Premium EV Brand ហើយ Nio ជាក្រុមហ៊ុនដ៏ក្មេងខ្ចីមួយទើបតែបានបង្កើតនៅឆ្នាំ២០១៤ ប៉ុណ្ណោះ ហើយទីស្នាក់កណ្តាលរបស់ក្រុមហ៊ុននេះ ស្ថិតនៅទីក្រុង Shanghai និងមាន CEO ជាលោក William Li ។
ពីដំបូង Nio ជាក្រុមហ៊ុន Startup មួយដោយការចាប់ផ្តើមពួកគេបានផលិតនូវឡានអគ្គិសនីឆ្លាតវ៉ៃយ៉ាងទំនើប រួមជាមួយនឹងវត្ថុធាតុផ្សេងចេញពីធម្មជាតិទៀតផង ហើយឡានមួយចំនួនរបស់ Nio មានថ្លៃជាងគឡាន Tesla ទៅទៀត ជាក់ស្តែងដូចជា Nio ES7 ជាប្រភេទឡាន SUV មានតម្លៃ ៦៨០០០ដុល្លារ ថ្លៃជាង Tesla Model Y ដោយថ្ងៃដំបូងលក់បានត្រឹមតែ ៣៨០០០ដុល្លារប៉ុណ្ណោះ ។
សម្រាប់ការលក់ឡានអគ្គិសនីនៅប្រទេសចិន ក្នុងឆ្នាំ២០២២ ប្រមូលបានទឹកប្រាក់ចំនួន ១៥.៦ពាន់លានយ៉ាន ឬ ២.៣ពាន់លានដុល្លារ។ នេះបើយោងតាមហិរញ្ញវត្ថុរបស់ក្រុមហ៊ុនផ្ទាល់។
៣, Wuling
Wuling ជាម៉ាកយីហោឡានអគ្គិសនីមួយត្រូវបានបណ្តាក់ទុនរួមគ្នាស្ថិតនៅក្រោម ក្រុមហ៊ុនធំ General Motors , SAIC Motors និង Liuzhou Wuling Motors ។ ម៉ាកយីហោនេះត្រូវបានគេស្គាល់ដោយសារតែ ឡានអគ្គិសនីតូចល្អិត ខ្យូតៗ Hongguang Mini ដែលត្រូវបានលក់ដាច់ខ្លាំងបំផុតនៅឆ្នាំ២០២២ ចំនួន ៥៥០,០០០គ្រឿង ក្នុងទីផ្សារប្រទេសចិន។
គួរជំរាបផងដែរថា ឡានអគ្គិសនី Hongguang Mini ត្រូវបានគេដាក់លក់នៅថ្ងៃដំបូងក្នុងឆ្នាំ២០២១ តែ ៤៥០០ដុល្លារ តែប៉ុណ្ណោះ បើvធៀបតម្លៃនេះមកស្រុកខ្មែរ ស្មើនឹងតម្លៃពពួក Honda ADV ឬ ម៉ូតូ Vespa ។
៤, ZeeKr របស់ Geely
Zeekr ជាម៉ាកយីហោឡានអគ្គិសនីដែលស្ថិតក្រោមក្រុមហ៊ុនរថយន្តចិន Geely ដែលបានទិញ ម៉ាក Volvo របស់ប្រទេសស៊ុយអែតក្នុងឆ្នាំ ២០១០ ប៉ុន្តែក្រុមហ៊ុននេះទើបតែបង្កើតនៅឆ្នាំ២០២១ ។ ចំពោះឡានអគ្គិសនីដំបូងគេរបស់ម៉ាកយីហោឡាននេះ គឺ Zeekr 001 ដែលមានតម្លៃ ២៧០០០ដុល្លារ ហើយនេះដែរមានចំណុចពិសេសពីរ គឺ អាចដោះសោរឡានបានដោយការស្កេនមុខ និងអាចដំឡើងទូទឹកកកនៅក្នុងឡានបានទៀត។
យោងតាមប្រភពពី Reuters បានឲ្យដឹងថា Zeekr បានលក់ឡានអគ្គិសនីរបស់ខ្លួនត្រឹមត្រីមាសទី១ ឆ្នាំ២០២៣ បានចំនួន ១៥,២៣៤គ្រឿង ដែលស្មើនឹងចំនួនពាក់កណ្តាលនៃការលក់របស់ Nio និង ១០% នៃការលក់របស់ Tesla ។
៥, Xpeng
Xpeng ជាក្រុមហ៊ុនផលិតរថយន្ត EV ដែលមានទីស្នាក់ការកណ្តាលនៅក្វាងចូវ ដែលមានឈ្មោះជាផ្លូវការថា Xpeng Motors និងមានភាគហ៊ុនមួយចំនួនរបស់ Alibaba របស់លោក Jeck Ma មហាសេដ្ឋីស្រុកចិន។ នាពេលបច្ចុប្បន្ននេះ Xpeng បានកំពុងពង្រីកខ្លួនយ៉ាងខ្លាំងក្លានៅក្នុងទ្វីបអឺរ៉ុប ដោយចាប់ផ្តើមពី ប្រទេសន័រវេសក្នុងខែធ្នូ ឆ្នាំ 2020។
សម្រាប់គោលដៅធំបំផុតរបស់ក្រុមហ៊ុន Xpeng Motors គឺយកឡានអគ្គិសនីរបស់ទៅកាន់ក្រៅប្រទេសឲ្យបាន ១០% នៅឆ្នាំ២០២៥ ។ដោយឡែក Xpeng បានកំពុងសង្ងំផលិតនូវ Taxi លើអាកាស ពោលគឺឡានហោះ ដែលបានបំពាក់ស្លាបយន្តហោះ ដូចទៅនឹងស្លាបដ្រូនដែរ៕
អត្ថបទ៖ ព្រឹម ភក្តី
