កាលពីពេលថ្មីៗនេះ ក្រុមហ៊ុន Tesla បានប្រកាសពីទិន្នន័យដ៏សែនរីករាយសម្រាប់បុគ្គលិករបស់ខ្លួនដែលធ្វើការនៅរោងចក្រ Giga Factory Texas ដោយបានផលិតរថយន្តអគ្គិសនី Tesla Model Y ទី១០០០០ ខណ:ដែលម៉ូដែលរថយន្តនេះទើបតែផលិតបាន ២ឆ្នាំ ។
បើយោងតាមការផុសចេញពីអាខោន Twitter របស់ក្រុមហ៊ុន Tesla បានបង្ហាញរូបភាពបុគ្គលិក និងមនុស្សជាច្រើនបានចូលរួមអបអរសាទដល់រោងចក្រ Giga factory Texas ដែលបានផលិតរថយន្តអគ្គិសនី Tesla Model Y ទី១០០០០ ពោលគឺចំនួន ១០០០០គ្រឿង កាលពីថ្ងៃទី០៧ ខែកញ្ញា ឆ្នាំ២០២២ ។
10,000 Model Ys built at Giga Texas to date pic.twitter.com/4cOlnpCRa0
— Tesla (@Tesla) September 17, 2022
Tesla Model Y ជាប្រភេទរថយន្ត SUV កៅអី ៣បាំង ឬ៣ជួរ និងជារថយន្តដែលមានការលក់ដាច់ជាងគេក្នុងចំណោមម៉ូដែលរថយន្តទាំងអស់របស់ Tesla ។ រថយន្តនេះមានតម្លៃចាប់ពីជាង ៤៣០០០ទៅ ៤៥០០០ដុល្លារ សម្រាប់ ប៉ុង១ RWD និង៦០០០០ទៅ៦៥០០០ដុល្លារ សម្រាប់ប៉ុង២ AWD ហើយក៏ប្រភេទ Long Range ដោយគ្រាន់តែសាកថ្មម្តងអាចរត់បានចម្ងាយដល់ ៥២៥គីឡូម៉ែត្រឯណោះ ៕
អត្ថបទដោយ៖ ព្រឹម ភក្តី
