ថ្មីៗនេះ លោក Elon musk ដែលជានាយកប្រតិបត្តិក្រុមហ៊ុន Tesla បានបង្ហោះសារបែបគុណភាពទៅកាន់ប្រិយមិត្តអ្នកលេងបណ្ដាញសង្គម Twitter ថា “រថយន្តអគ្គិសនី Tesla Cybertruck នឹងមានមុខងារ Waterproof enough ការពារទឹកជ្រាប ដែលអាចធ្វើជាទូកសម្រាប់ចម្លងឆ្លងកកាត់ ទន្លេ បឹងបួរ និងសមុទ្របាន ដោយគ្មានការរំខានពីរលកធំៗបកបោក” ។
ដើម្បីឲ្យមនុស្សទាំងពិភពលោកបានឃើញនឹងភ្នែកផ្ទាល់ថា Cybertruck មានសមត្ថភាពដូចទូកឬយ៉ាងណា លោក Elon musk បានកំណត់គោលដៅបើកឆ្លងទឹកពី Starbase របស់ SpaceX ទៅកាន់កោះ South Padre ក្នុងរដ្ឋតិកសាស់ មានចម្ងាយជាង ៣៦០ម៉ែត្រ ។
បើរំឭកទៅកាន់អតីតកាលបន្តិត ការបើកបង្ហាញ Tesla Cybertrcuk ដំបូងកាលពីឆ្នាំ២០១៩ ពេលនោះដែរ ក្នុងការធ្វើបទបង្ហាញរបស់លោក Elon musk ផ្ទាល់ លោកក៏បានតេស្តទៅលើផ្នែកកញ្ចក់របស់ Cybertruck ដោយរកបាឡុងមូលមួយគុបមួយទំហឹងដៃទៅកញ្ចក់ពេលនោះដែរ កញ្ចក់ដ៏សែនរឹងមាំ ត្រូវបានបែក ព្រមទាំងមានស្នាមរាងមូលរបស់កូនបាឡុងតូចថែមទៀតផង។
ហេតុដូចនេះហើយទើប Cybertruck ត្រូវបានអូសចូលរោងចក្រ ដើម្បីឆែកមើលបច្ចេកទេសសាជាថ្មី ព្រមទាំងបន្ថែមនូវបច្ចេកវិទ្យាទំនើបៗ ជាក់ស្តែងដូចជាមុខងារ Waterproof enough ដែលប្រែលក្ខខណ្ឌឲ្យ Cybertruck ជំនួសទូកបាន។
ចំពោះអ្នកអានវិញ មានគំនិតយ៉ាងណាចំពោះការនិយាយអះអាងដែលចេញពីមាត់របស់លោក Elon musk ខាងលើនេះ បញ្ចេញមតិម្នាក់មួយមក៕
អត្ថបទដោយ៖ ព្រឹម ភក្តី
