ដោយ​​យើង​​បាន​ឃើញ​​អំពី​ការ​អភិវឌ្ឍយ៉ាង​ឆាប់​​រហ័សរបស់​ Tesla ​​ដែល​ការ​ធ្វើ​​បង្ហាញ​នេះ Tesla Bots មាន​ចលនាដើរទៅមុខ(យឺតៗ)ដោយមិនមានការជំពប់ដួលដែលយើងបានឃើញនៅក្នុងការបង្ហាញខ្លួនលើកដំបូងកាល​ពី​ កម្មវិធី AI Day ហើយ​មនុស្សយន្តក៏អាចធ្វើអ្វីៗផ្សេងទៀតបានដែរ ដូចជា រើសរបស់របរ និងស្គាល់វត្ថុជាដើម។

រ៉ូប៉ូត របស់ក្រុមហ៊ុន Tesla នេះដែរ ត្រូវបានរចនាឡើងជាមនុស្សយន្ត ដោយ​ត្រូវ​បាន​បង្ហាញដំបូងកាលពីឆ្នាំមុន នៅក្នុងព្រឹត្តិការណ៍ AI Day របស់ក្រុមហ៊ុន។ នៅពេលនោះ ក្រុមហ៊ុន Tesla អាចបង្ហាញបានតែកំណែអាប់ដេតរបស់ bot ដែលមនុស្សយន្តស្ទើរតែមិនអាចដើរទៅមុខបាន ដោយអនុញ្ញាតឱ្យធ្វើចលនា​ដោយលើកដៃចុះឡើងនៅលើឆាកតែប៉ុណ្ណោះ ប៉ុន្តែ​​ពេល​​​នេះ រ៉ូប៉ូត Bot អាច​​​មាន​ភាព​ប្រសើរ​ឡើង​ច្រើន​​មែន​ទែន​ អាច​ដើរ​ ​រើស​របស់​របរ​ និង​​​ស្គាល់​​ពី​វត្ថុ​​​​​​ផ្សេង​ៗ បាន​ទៀត​។

​គួរ​ជំរាប​ផងដែរ​​ ​Elon Musk  បាន​អះ​អាង​​​ថា ​​រ៉ូប៉ូត Tesla Bot នឹងមាន​តម្លៃ​​ថោកជាង​ឡាន​ ១គ្រឿង​​ទៅ​ទៀត ដោយ​​គាត់​បាន​រំពឹងថា​ អាចដាក់​លក់​​ប្រមាណ​ខ្ទង់​ ២ម៉ឺន​ដុល្លារ​​ប៉ុណ្ណោះ​៕

ប្រភព៖ Theverg

អត្ថបទ៖ ព្រឹម ភក្តី