ដើម្បីជួយឱ្យកូនៗរបស់អ្នកទទួលបានទាំងភាពសប្បាយរីករាយ និងចំណេះដឹងបន្ថែមតាមរយៈការប្រើប្រាស់បច្ចេកវិទ្យា ខាងក្រោមនេះគឺជាកម្មវិធីទូរសព្ទចំនួន ៤ ដែលមានជាភាសាខ្មែរ។
១./ Write Khmer កម្មវិធីសម្រាប់រៀនសរសេរអក្សរ និងលេខ។
២./ Write Khmer - Learn Khmer កម្មវិធីសម្រាប់រៀនសរសេរអក្សរ លេខ និងស្រៈ។
៣./ Chlat: Watch, Learn, Play កម្មវិធីសម្រាប់កម្សាន្ត និងចំណេះដឹង។
៤./ Khmer Coloring Book កម្មវិធីសម្រាប់គូរូតាមរាងតួអក្សរ និងលេខ។
សម្រាប់ការទាញយកកម្មវិធីទាំង ៤ អ្នកអាចអនុវត្តតាមជំហានងាយៗដូចខាងក្រោម៖
- ចូលទៅកាន់ App Store ឬ Play Store នៅលើទូរសព្ទរបស់អ្នក
- វាយឈ្មោះកម្មវិធីនីមួយៗចូលក្នុងប្រអប់ស្វែងរក ដូចជា៖ Write Khmer, Write Khmer - Learn Khmer, Chlat: Watch, Learn, Play
- រួចចុចប៊ូតុង Install ឬ Get ដើម្បីដំឡើងកម្មវិធីទាំងនោះចូលក្នុងទូរសព្ទរបស់អ្នក។
កម្មវិធីទាំងនេះមិនត្រឹមតែផ្ដល់នូវការកម្សាន្ត និងចំណេះដឹងជាមូលដ្ឋានប៉ុណ្ណោះទេ ប៉ុន្តែវាក៏ជាឧបករណ៍យ៉ាងសំខាន់ក្នុងការជួយពង្រឹងស្មារតី ការគិតពិចារណា និងការចងចាំរបស់កុមារឱ្យកាន់តែមានភាពរហ័សរហួនផងដែរ។ លើសពីនេះ តាមរយៈរូបភាពរស់រវើក ពណ៌ឆើតឆាយ និងសំឡេងពន្យល់ជាភាសាខ្មែរយ៉ាងច្បាស់ៗ វានឹងជួយទាក់ទាញចិត្តកុមារឱ្យជក់ចិត្តដិតអារម្មណ៍ក្នុងការរៀនសូត្រដោយមិនធុញទ្រាន់ ព្រមទាំងជួយសម្រួលដល់អាណាព្យាបាលក្នុងការណែនាំ និងតាមដានការអភិវឌ្ឍផ្នែកបញ្ញាស្មារតីរបស់កូនៗឱ្យដើរទាន់សម័យកាលបច្ចេកវិទ្យាប្រកបដោយសុវត្ថិភាព និងភាពច្នៃប្រឌិត។
