ថ្មីៗនេះ លេចធ្លាយដំណឹងមកថា ក្រុមហ៊ុន Tesla បានរើរបញ្ជីឆែកឯកសារអំពីរថយន្តអគ្គិសនីតូចបំផុតមកសិក្សារដើម្បីអភិវឌ្ឍន៍ឡើងវិញ បន្ទាប់ពីមេធំលោក Elon Musk បានដាក់ផែនការលក់យ៉ាងធំនាពេលខាងមុខ ហើយរថយន្តនេះដែរត្រូវបានគេដឹងថា គឺមានតម្លៃធូរថ្លៃជាង Model 3 ទៅទៀត ។
បើយោងតាមការចេញផ្សាយពីគេហទំព័រ drive.com បានឲ្យដឹងថា កាលពីឆ្នាំ២០២០ ក្រុមហ៊ុន Tesla បានប្រកាសគម្រោងផលិតរថយន្តអគ្គិសនីខ្នាតតូចបំផុតក្នុងចំណោមផលិតផលរបស់ Tesla ទាំងអស់ ដោយមានតម្លៃ ២៥០០០ដុល្លារ ហើយរថយន្តនេះដែរ គឺតូចជាង Tesla Model 3 ទៅទៀត។ ប៉ុន្តែដោយសារតម្រូវការរបស់អតិជនភាគច្រើនបានកម្មង់លើរថយន្តផ្សេងច្រើនជាង ដូចជាង Cybertruck Semi truck និង Roadster ជាហេតុធ្វើឲ្យ Tesla បានបិទភ្នែកបង្ខំចិត្តបោះគម្រោងរថយន្តខ្នាតតូចនេះនៅបាត់ឃ្លាំង ។
គួររំលឹកផងដែរថា សម្រាប់រថយន្តកុងទ័រអគ្គិសនី Tesla Semi បានចាប់ផ្តើមផលិត ហើយនៅដើមខែធ្នូ ឆ្នាំ២០២២ នឹងដឹកចែកចាយ ។ រីឯរថយន្តអគ្គិសនី Cybertruck ដែលកំពុងល្បីថាអាចបើកលើទឹកដូចទូកបាននោះ នឹងចាប់ផ្តើមផលិតនៅពាក់កណ្ដាលឆ្នាំ២០២៣ ៕
អត្ថបទដោយ៖ ព្រឹម ភក្តី
