ថ្មីៗនេះ ក្រុមហ៊ុន Rolls-Royce ទើបតែបញ្ចេញរថយន្តម៉ូដែលថ្មីប្រភេទ SUV ហើយរថយន្តនេះនៅលើពិភពលោកមានតែ ៦២គ្រឿងប៉ុណ្ណោះ អ្វីដែលធ្វើរថយន្តនេះមានលក្ខណ:ពិសេសខុសប្លែកពីម៉ូដែលផ្សេងៗ គឺទៅលើពណ៌ខៀវលាយខ្មៅ Stardust Blue យ៉ាងស្រស់ស្អាត។
បើយោងតាមគេហទំព័រ Motor1.com បានឲ្យដឹងថា ក្រុមហ៊ុន Rolls-Royce បានបញ្ចេញរថយន្តម៉ូដែលថ្មី ដែលមានឈ្មោះពាក្យថា Rolls-Royce Cullinan Black Badge Blue Shadow Private Collection ហើយរថយន្តនេះដែរ ត្រូវបានឌីហ្សាញយ៉ាងពិសេសដោយដៃមនុស្សផ្ទាល់ ដើម្បីធ្វើឲ្យលម្អិតនូវគុណភាព និងប្រណិតភាពរបស់រថយន្ត។
សម្រាប់និមិត្តសញ្ញា Spirit ត្រូវបានជ្រើសរើសនូវពណ៌ខៀវងងឹត ដែលមានឈ្មោះថា Spirit of Ecstasy ព្រមទាំងគេបានឆ្លាក់អក្សរ Blue Shadow នៅលើ Spirit នោះផងដែរ។ នៅផ្នែកខាងក្នុងលើដំបូលរថយន្ត លំហអវកាសដែលមានផ្កាយសចំនួន ៧៩៩គ្រាប់ និងផ្កាយខៀវចំនួន ៣៨៤គ្រាប់ ហើយការដេរនេះគឺត្រូវប្រើដៃមនុស្សទាំងស្រុង។
ចំណែកកៅអីរបស់រថយន្តនេះវិញ ជាប្រភេទស្បែកដែលមានគុណភាពខ្ពស់បំផុត រាល់ថ្នេរនីមួយៗគឺដេរដោយដៃផងដែរ ហើយនៅតាមកោអីទាំងអស់មានរន្ធតូចចំនួន ៧៥០០០ ដើម្បីឲ្យខ្យល់ចេញចូល។ សម្រាប់បន្ថែមខាង Rolls-Royce មិនទាន់បញ្ចេញនៅឡើយទេ ដូច្នេះប្រសិនមានព័ត៌មានថ្មី ពួកយើងនឹងជូនដំណឹងបន្ថែមទៀត៕
អត្ថបទ៖ ព្រឹម ភក្តី
