បើនិយាយដល់រថយន្តអគ្គិសនីដែលល្បីជាងគេគឺក្រុមហ៊ុន Tesla តែបើនិយាយដល់រថយន្តមានភាពប្រណិត និងមានតម្លៃថ្លៃថែមទៀតនោះគឺគេចមិនផុតពីក្រុមហ៊ុន Rolls-Royce នោះទេ ប្រេនម៉ាកយីហោល្បីនេះត្រូវបានជ្រកក្រោមម្លប់ក្រោមហ៊ុន BMW Group មានអាយុកាល ១០០ឆ្នាំ ដែលមានយីហោ ២ផ្សេងទៀត គឺ BMW និង MINI ។
បើយោងតាមការចុះផ្សាយរបស់គេហទំព័រ Forbes បានឲ្យដឹងថា នៅថ្ងៃទី ២៧ ខែឧសភា ឆ្ន២០២២ ក្រុមហ៊ុន Rolls-Royce បានបង្ហាញនូវរថយន្តថ្មីតម្លៃ ៣០លានដុល្លារ នៅបឹង Como ក្នុងកម្មវិធី Concorso d’Eleganza Villa d’Este 2022 ជាកម្មវិធីតាំងបង្ហាញរថយន្តដ៏ប្រណិតៗអស្ចារ្យជាគេបង្អស់ជាងគេ ក្នុងនោះមានតែ Rolls-Royce Boat Tail គឺមានតម្លៃថ្លៃជាងគេ ។
មូលហេតុដែលធ្វើឲ្យរថយន្ត Rolls-Royce Boat Tail មានតម្លៃថ្លៃបែបនេះគឺដោយសារវាមិនមែនផលិតដោយដៃម៉ាស៊ីននោះទេ គឺប្រើដៃមនុស្សរចនាសុទ្ធសាទ លើកលែងតែតួរថយន្ត គ្រឿងម៉ាស៊ីន និងគ្រឿងអេឡិចត្រូនិកមួយចំនួន ។ ចំណុចគួរឲ្យចាប់អារម្មណ៍នោះគឺត្រង់កន្ទុយផ្នែកខាងក្រោយ ដែលវាមានទ្វារសម្រាប់ លក្ខណ:ដូចជាស្រាបសត្វរុយ ក្នុងឃ្លុបនោះជាកន្លែងដាក់សម្ភារ:ផ្ទះបាយ ដូចជាដាក់ចានស្រាបព្រា ដែលត្រូវបានផលិតជាពិសេសចេញពីក្រុមហ៊ុន Rolls-Royce ផ្ទាល់ ។
ចំណែកម៉ាស៊ីន Rolls-Royce Boat Tail ត្រូវបានបំពាក់ជាមួយម៉ាស៊ីនចំណុះ ៦.៧៥ លីត្រ Twin-Turbo ដែលមានស៊ីឡាំង ១២ ។
អត្ថបទដោយ៖ ព្រឹម ភក្តី
