ថ្មីៗនេះ អគ្គនាយកដ្ឋានពន្ធដារ បានប្រកាសប្រមូលពន្ធលើមធ្យោបាយដឹកជញ្ជូន និងយានជំនិះគ្រប់ប្រភេទ សម្រាប់ឆ្នាំ២០២៣ ដោយ ចាប់ពីថ្ងៃទី០១ ខែមិថុនា ដល់ថ្ងៃទី៣០ ខែវិច្ឆិកា ឆ្នាំ២០២៣។ អាស្រ័យហេតុនេះ យោងតាមឧបសម្ព័ន្ធ II ស្តីពីការកំណត់ប្រាក់ពន្ធតាមទំហំស៊ីឡាំងរបស់រថយន្តទេសចរណ៍ បានឲ្យដឹងថា ការបង់ពន្ធផ្លូវសម្រាប់យានយន្តគ្រប់ប្រភេទ គេវាស់លើទំហំស៊ីឡាំងម៉ាស៊ីនគិតជា ( សេសេ ឬ ស.ម៣ ) និងឆ្នាំដែលរថយន្តផលិត ដូចខាងក្រោម៖
១. រថយន្តដែលមានទំហំស៊ីឡាំងដល់ ១៥០០សេសេ(រថយន្តដែលមានម៉ាស៊ីនចំណុច ១,៥លីត្រ ចុះក្រោម)
ចំពោះឆ្នាំផលិតដល់ ៥ឆ្នាំ ត្រូវបង់ពន្ធចំនួន ១៥ម៉ឺនរៀល
ចំពោះឆ្នាំផលិតលើសពី ៥ឆ្នាំ ដល់ ១០ឆ្នាំ ត្រូវបង់ពន្ធចំនួន ១០ម៉ឺនរៀល
ចំពោះឆ្នាំផលិតលើសពី ១០ឆ្នាំ ត្រូវបង់ពន្ធចំនួន ៨ម៉ឺនរៀល (ឧទាហរណ៍ ដូចជា Toyota Prius 2005 ចំំណុះម៉ាស៊ីន 1.5L)
២. រថយន្តដែលមានទំហំស៊ីឡាំងលើសពី ១៥០០សេសេ ដល់ ២០០០សេសេ (រថយន្តដែលមានម៉ាស៊ីនចំណុច ២,0លីត្រ ចុះក្រោម)
- ចំពោះឆ្នាំផលិតដល់ ៥ឆ្នាំ ត្រូវបង់ពន្ធចំនួន ២០ម៉ឺនរៀល
- ចំពោះឆ្នាំផលិតលើសពី ៥ឆ្នាំ ដល់ ១០ឆ្នាំ ត្រូវបង់ពន្ធចំនួន ១៥ម៉ឺនរៀល
- ចំពោះឆ្នាំផលិតលើសពី ១០ឆ្នាំ ត្រូវបង់ពន្ធចំនួន ១០ម៉ឺនរៀល (ឧទាហរណ៍ Toyota Corolla 2003 មានម៉ាស៊ីន 1.8L)
៣. រថយន្តដែលមានទំហំស៊ីឡាំងលើសពី ២ពាន់សេសេ ដល់ ២៩០០សេសេ(រថយន្តដែលមានម៉ាស៊ីនចំណុច ២,៩លីត្រ ចុះក្រោម)
- ចំពោះឆ្នាំផលិតដល់ ៥ឆ្នាំ ត្រូវបង់ពន្ធចំនួន ៦០ម៉ឺនរៀល
- ចំពោះឆ្នាំផលិតលើសពី ៥ឆ្នាំ ដល់ ១០ឆ្នាំ ត្រូវបង់ពន្ធចំនួន ៤០ម៉ឺនរៀល
- ចំពោះឆ្នាំផលិតលើសពី ១០ឆ្នាំ ត្រូវបង់ពន្ធចំនួន ២៥ម៉ឺនរៀល
៤. រថយន្តដែលមានទំហំស៊ីឡាំងលើសពី ២៩០០សេសេ ដល់ ៤ពាន់សេស(រថយន្តដែលមានម៉ាស៊ីនចំណុច ៤,0លីត្រ ចុះក្រោម)
- ចំពោះឆ្នាំផលិតដល់ ៥ឆ្នាំ ត្រូវបង់ពន្ធចំនួន ១,៦លានរៀល
- ចំពោះឆ្នាំផលិតលើសពី ៥ឆ្នាំ ដល់ ១០ឆ្នាំ ត្រូវបង់ពន្ធចំនួន ១លានរៀល
- ចំពោះឆ្នាំផលិតលើសពី ១០ឆ្នាំ ត្រូវបង់ពន្ធចំនួន ៦០ម៉ឺនរៀល (ឧទាហរណ៍ រថយន្តមានម៉ាស៊ីន V6)។
៥. រថយន្តដែលមានទំហំស៊ីឡាំងលើសពី ៤ពាន់សេសេឡើងទៅ (រថយន្តដែលមានម៉ាស៊ីនចំណុច ៤,0លីត្រ ឡើងទៅ)
- ចំពោះឆ្នាំផលិតដល់ ៥ឆ្នាំ ត្រូវបង់ពន្ធចំនួន ២លានរៀល
- ចំពោះឆ្នាំផលិតលើសពី ៥ឆ្នាំ ដល់ ១០ឆ្នាំ ត្រូវបង់ពន្ធចំនួន ១,២លានរៀល
- ចំពោះឆ្នាំផលិតលើសពី ១០ឆ្នាំ ត្រូវបង់ពន្ធចំនួន ៨០ម៉ឺនរៀល៕
អត្ថបទ៖ ព្រឹម ភក្តី
