ថ្មីៗនេះកាលពីថ្ងៃទី១៣ ខែមីនា ឆ្នាំ២០២៥ យោងតាមការចុះផ្សាយលើគេហទំព័រវេបសាយ FAST COMPANY និងការអះអាងរបស់ក្រុមហ៊ុន Lamborghini បានប្រកាសជាសាធារណៈឲ្យដឹងថា ក្រុមហ៊ុនផលិតរថយន្តដ៏ប្រណិត Automobili Lamborghini បានចូលរួមក្នុងវិស័យការផលិតសម្ភារៈទារក ដោយសហការជាមួយម៉ាក Silver Cross របស់អង់គ្លេស ដើម្បីផលិតរទេះរុញកូនង៉ែតដែលមានឈ្មោះថា Reef AL Arancio ។ ផលិតផលនេះមានតែ ៥០០ គ្រឿងប៉ុណ្ណោះដែលនឹងត្រូវផលិតដាក់លក់នៅលើទីផ្សារ ហើយរាល់គ្រឿងទាំងនោះមានផ្ទាំងតួលេខកំណត់ដោយបញ្ជាក់ថានរណាបានទិញប្រើមុនក្នុងចំណាត់ថ្នាក់លេខប៉ុន្មានជាដើម ដូចជាម្ចាស់ទី១ ទី២ ទី៣ រហូតដល់លេខរាងទី ៥០០។ 

Silver Cross បានអំពាវនាវថានេះជា “រទេះទារកដែលមានអាទិភាព” ហើយតម្លៃរបស់វាគឺប្រហែលជា $5,000 ការរចនារទេះរុញនេះបានខ្ចីគំនិតពីមូលដ្ឋានគ្រឹះរបស់ Lamborghini ជាមួយនឹងឈ្នាន់ហ្វ្រាំងដែលបំផុសគំនិតដោយរថយន្ត ចំណុចទាក់ទាញដែលបញ្ចប់ដោយដៃ និងស្បែកស៊ុយអែតដែលមានដំណើរការខ្ពស់ជាមួយនឹងព័ត៌មានលម្អិតស្បែករបស់ប្រទេសអ៊ីតាលី។ វាភ្ជាប់មកជាមួយកូនអង្រឹងប៉ូលីកាបូណាតរលោង កង់ព្យួរ និងកន្លែងដាក់ដប់ទឹកដោះគោដែលមានផាសុខភាពខ្ពស់ដល់ទារក។ សញ្ញាសម្គាល់ Lamborghini បានប្រើអក្សរពាក្យរបស់ក្រុមហ៊ុនអ៊ីតាលី និងនិមិត្តសញ្ញារូបគោ និងខែលរបស់វាត្រូវបានបញ្ចូលនៅក្រោមទ្រជើងនៃរទេះដែលមានភាពលេចធ្លោ និងប្រណិត។ 

ដំណើរការរចនាសម្រាប់ Reef AL Arancio បានចំណាយរយៈពេលជាងពីរឆ្នាំ ហើយរួមបញ្ចូលទាំងការប្រជុំជាមួយក្រុមរចនាបទផ្សេងៗ និងអាជ្ញាប័ណ្ណរបស់ Automobile Lamborghini និងការដាក់តាំងបង្ហាញ Lamborghini ដើម្បីទាញយកការបំផុសគំនិតធ្វីរទះនេះឡើង។ 

គូសបញ្ជាក់ផងដែរថា ទោះបីជាទារកទាំងនោះមិនចាប់អារម្មណ៍នឹងម៉ាកយីហោប្រណិតក៏ដោយ ប៉ុន្តែឪពុកម្តាយរបស់ពួកគេកាន់តែចាប់អារម្មណ៍ខ្លាំងទៅលើឧបករណ៍ទារកលំដាប់ខ្ពស់ដូចជាគ្រែឆ្លាតវៃ ឧបករណ៍កម្តៅដបអេឡិចត្រូនិច និងរទេះរុញថ្លៃៗជាដើម ដែលបានរីកសាយភាយលើទីផ្សារតាមតំបន់ និងប្រទេសផងដែរ។ 

អត្ថបទដោយ៖ ងួន ឃុនណា