"Technology Cambodia នឹងណែនាំវេបសាយមួយឈ្មោះថា QRVCARD? តើ QRVCARD ជាអ្វី ហើយជួយអ្វីបានខ្លះដល់អ្នក?"

QRVCARD ជាផ្លែតហ្វមបច្ចេកវិទ្យាថ្មីមួយរបស់ខ្មែរសម្រាប់ការបង្កើតនាមប័ណ្ណឌីជីថលឆ្លាតវៃ (Digital Business Card) ហើយអាចចែករំលែកជាលីង ឬ QR កូដបាន។ QRVCARD គឺបានបង្កើតឡើងក្នុងគោលដៅជួយសម្រួលដល់ការប្រើប្រាស់នាមប័ណ្ណអោយកាន់តែមានប្រសិទ្ធិភាព និងជំរុញក្នុងកាត់បន្ថយការប្រើប្រាស់នាមប័ណ្ណជាក្រដាសបែបបុរាណនោះ។ លើសពីនេះផ្លែតហ្វម QRVCARD ក៏បានផ្តល់បន្ថែមនូវគំរូកាតឌីជីថលដែលមានរចនាបថស្អាតប្រណីត និងមានមុខងារធ្វើបច្ចុប្បន្នភាពព័ត៌មានរស់រវើកភ្លាមៗ ដែលជួយឱ្យអ្នកជំនួញ និងបុគ្គលិកក្រុមហ៊ុននានាអាចចែករំលែកព័ត៌មានទំនាក់ទំនងរបស់ខ្លួនបានយ៉ាងរហ័ស ងាយស្រួលទាក់ទងការងារផ្សេងៗ និងមានវិជ្ជាជីវៈបំផុត។

បន្ទាប់ពីបានដឹងហើយថា QRVCARD ជាអ្វីហើយ ឥឡូវនេះមកដឹងពី​អត្ថប្រយោជន៍របស់ QRVCARD

• ធ្វើបច្ចុប្បន្នភាពភ្លាមៗ គ្រប់ពេលវេលា៖ កែភ្លាមបានភ្លាម គ្រប់ពេលដែលអ្នកបានលីង ឬស្កែន QR នាមប័ណ្ណរបស់អ្នក នឹងទទួលបានការ update ភ្លាមៗដូចគ្នា ។ មិនបាច់បោះពុម្ពកាតឡើងវិញ មិនមានព័ត៌មានទំនាក់ទំនងហួសសម័យ និងមិនបាត់បង់ឱកាសអាជីវកម្មឡើយ។
• អាចប្រើប្រាស់គ្រប់កាលៈទេសៈជាមួយនឹង QR Code នឹងលីង៖ លោកអ្នកអាចចែករំលែកប្រវត្តិរូបរបស់អ្នកតាមរយៈ QR Code នៅក្នុងកម្មវិធីផ្សេងៗ ឬដាក់លីងផ្ទាល់ខ្លួនរបស់អ្នកទៅក្នុងអ៊ីមែល, bio ឬហត្ថលេខាឌីជីថល។ អ្នកទទួលនឹងទទួលបានរាល់ព័ត៌មានដែលគេត្រូវការភ្លាមៗ ដោយមិនចាំបាច់ដំឡើងកម្មវិធីមិនមានភាពរញ៉េរញ៉ៃ។
• ងាយស្រួលធ្វើបណ្តាញទំនាក់ទំនងឌីជីថល៖ ខណៈពេលដែលការហុចកាតក្រដាស តែងតែត្រូវគេយកទៅទុកចោល ឬភ្លេចនៅក្នុងថតតុ ការប្តូរមកប្រើប្រាស់ QRVCARD វិញ នឹងជួយឱ្យអ្នកអាចបន្សល់ទុកនូវព័ត៌មានទំនាក់ទំនងរបស់អ្នកនៅលើប្រព័ន្ធឌីជីថលបានភ្លាមៗ។ រាល់ព័ត៌មានទាំងអស់ មិនថាតែប្រវត្តិរូបផ្ទាល់ខ្លួន លីងសម្រាប់ចែករំលែក ឬ QR Code នោះទេ គឺវាមានភាពស៊ីសង្វាក់គ្នា និងធ្វើបច្ចុប្បន្នភាពទាន់សម័យជានិច្ចគ្រប់ពេលវេលា។
• ដំណើរការនៅលើឌីជីថលគ្រប់ពេលវេលា៖ មិនចាំបាច់ត្រូវការកាតរូបវន្ត (កាតរឹង) ឡើយ។ QRVCARD ស្ថិតនៅលើទូរស័ព្ទរបស់អ្នក និងធ្វើដំណើរទៅគ្រប់ទីកន្លែងជាមួយអ្នក ព្រមទាំងត្រៀមខ្លួនក្នុងការចែករំលែកក្នុងរយៈពេលប៉ុន្មានវិនាទីប៉ុណ្ណោះគ្រប់ទីកន្លែង។

នេះជារបៀបប្រើងាយៗដែលមិនស្មុគស្មាញច្រើន ដោយគ្រាន់តែមានទូរស័ព្ទដៃមួយគ្រឿងប៉ុណ្ណោះ

• ដំបូងចូលទៅកាន់វេបសាយ QRVCARD
• បន្ទាប់មកអាចរើសបាន ៣ មុខងារដើម្បីបង្កើតកាតឥតគិតថ្លៃដូចជា HOME, FEATURES, PRICING
• នៅលើទំព័រដើមនៃវេបសាយ សូមចុចលើពាក្យ HOME, FEATURES, PRICING (មួយណាក៏បាន) ដែលស្ថិតនៅលើរបារខាងលើ
• បន្ទាប់មក សូមចុចលើប៊ូតុងពណ៌ស្វាយដែលមានពាក្យថា Start Your Story, Build your card free ឬ Build Free (បង្កើតកាតរបស់អ្នកដោយឥតគិតថ្លៃ)
• បន្ទាប់ពីចុចបង្កើតកាតហើយ ប្រព័ន្ធនឹងនាំអ្នកទៅកាន់ទំព័របំពេញព័ត៌មាន អ្នកត្រូវបំពេញព័ត៌មានផ្ទាល់ខ្លួន និងបណ្តាញសង្គមរបស់អ្នក ដូចជា៖ Contact សម្រាប់ដាក់អ៊ីមែល លេខទូរស័ព្ទ ឬអាសយដ្ឋាន។ Social សម្រាប់ដាក់លីងបណ្តាញសង្គមផ្សេងៗដូចជា៖ Telegram, Facebook, LinkedIn, X និង Instagram ជាដើម
• បន្ទាប់ពីបំពេញរួច ជ្រើសយកពាក្យ Share ដោយបញ្ចូលនៅ Email របស់អ្នកជាមួយនឹង Password រួចចុច Copy ឬ Share ជាការស្រេច។

ក្រៅពីមុខងារឥតគិតថ្លៃរបស់ QRVCARD ក៏មាននូវមុខងារបង់ប្រាក់ដែលតម្លៃធូរ និងសមរម្យបំផុតមិនធ្លាប់មាន សម្រាប់ប្រជាជនកម្ពុជាប្រើប្រាស់បានយ៉ាងទូលំទូលាយ ជាពិសេសបាននូវអត្ថប្រយោជន៍ជាច្រើនខុសឆ្ងាយពីទម្រង់ឥតគិតថ្លៃ នោះគឺចាប់ពីតម្លៃ ១២ ដុល្លារក្នុមួយឆ្នាំ និង ៥០ដុល្លារមួយឆ្នាំ។ មកដឹងពីចំណុចពិសេសរបស់មុខងារការចុច Subscription៖

+ ចំណុចពិសេសរបស់ការជាវ ១២ ដុល្លារក្នុងមួយឆ្នាំ (ពេញនិយមបំផុត) 

• ទទួលបានប័ណ្ណទាក់ទងឌីជីថល (Digital Business Card) ដែលមានទម្រង់រៀបចំស្អាតបែបអាជីព
• អាចកែសម្រួលឈ្មោះលីង (Link) ផ្ទាល់ខ្លួនបាន (ឧទាហរណ៍៖ qrvcard.app/ឈ្មោះរបស់អ្នក)
• អាចបង្កើតកូដ QR ដែលមានដាក់ឡូហ្គោផ្ទាល់ខ្លួននៅចំកណ្តាលបាន
• លុបចេញនូវម៉ាកសញ្ញា ឬ Logo របស់ក្រុមហ៊ុន QRvCard (ធ្វើឱ្យកាតមើលទៅជារបស់យើងផ្ទាល់តែម្តង)
• មានមុខងារក្រឡាប់កាត (មើលបានទាំងទម្រង់ខាងមុខ និងខាងក្រោយ)
• មានផ្នែកសម្រាប់ដាក់បង្ហាញពីសេវាកម្មផ្សេងៗរបស់អ្នកប្រើប្រាស់
• អាចជ្រើសរើសពណ៌ ឬកំណត់ពណ៌ទៅតាមម៉ាកសញ្ញា (Brand) ផ្ទាល់ខ្លួនបានយ៉ាងស្រស់ស្អាត។

+ ចំណុចពិសេសរបស់ការជាវ ៥០ ដុល្លារក្នុងមួយឆ្នាំ (ជាវជាក្រុម)

ជាកញ្ចប់សេវាកម្មតម្លៃ ៥០ ដុល្លារ ក្នុងមួយឆ្នាំដែលផ្ដោតលើការសហការ និងពង្រីកក្រុមការងារ ល្អសម្រាប់ក្រុមហ៊ុន បុគ្គលិកក្នុងសហគ្រាស ក្រុមការងាស្នូលជាដើម។ 

• អ្នកនឹងទទួលបានប័ណ្ណទាក់ទងឌីជីថលដែលមានទម្រង់រៀបចំស្អាតបែបអាជីព
• អាចកែសម្រួលឈ្មោះលីង (Link) ផ្ទាល់ខ្លួនបាន
• អាចបង្កើតកូដ QR ដែលមានដាក់ឡូហ្គោ (Logo) បាន
• លុបចេញនូវម៉ាកសញ្ញា ឬ Logo របស់ក្រុមហ៊ុន QRvCard
• មានមុខងារក្រឡាប់កាតមើលបានទាំងខាងមុខ និងខាងក្រោយ
• មានផ្នែកសម្រាប់ដាក់បង្ហាញសេវាកម្មផ្សេងៗជាច្រើនជម្រើស
•   អាចជ្រើសរើស និងកំណត់ពណ៌ទៅតាមម៉ាកសញ្ញា (Brand) ផ្ទាល់ខ្លួន

+ មុខងារបន្ថែមពិសេស (មានតែក្នុងកញ្ចប់ ៥០ ដុល្លារក្នុងមួយឆ្នាំប៉ុណ្ណោះ)

• មានជម្រើសទម្រង់រៀបចំ (Layout) ដែលមើលទៅកាន់តែមានភាពអាជីព និងទាក់ទាញជាងមុន
• ទទួលបានកាតឈ្មោះចំនួន ៥
• អាចកំណត់សកម្មភាពផ្ទាល់ខ្លួននៅលើកូដ QR បាន មានន័យថា ជាធម្មតាពេលគេស្កែន QR គឺវាគ្រាន់តែលោតទៅបើកមើល ទំព័រកាតឌីជីថល (Profile) របស់យើងធម្មតា។ ប៉ុន្តែ មុខងារពិសេសនេះអនុញ្ញាតឱ្យអ្នកកំណត់បានថាពេលគេស្កេនភ្លាម ឱ្យវាធ្វើសកម្មភាពភ្លាមៗតែម្តង ដោយមិនបាច់ឆ្លងកាត់ការចុចមើល Profile ច្រើនតង់នោះទេ។

គូសបញ្ជាក់ផងដែរថា QRVCARD មិនត្រឹមតែផ្ដល់នូវបច្ចេកវិទ្យាទំនើបប៉ុណ្ណោះទេ ប៉ុន្តែវាថែមទាំងជាផ្លែតហ្វមដែលអនុញ្ញាតឱ្យអ្នកប្រើប្រាស់ដោយឥតគិតថ្លៃ ងាយស្រួលប្រើ និងកញ្ចាប់សេវាកម្ម តម្លៃធូរបំផុតសម្រាប់អ្នកប្រើប្រាស់នៅកម្ពុជា។ កុំចាំយូរ ចង់បានកាតឌីជីថលដែល Professional បែបផ្លូវការហើយទាន់សម័យថ្មី​ កុំភ្លេច QRVCARD ដែលផ្តល់ជូនឲ្យអ្នកប្រើប្រាស់ជាទីពេញចិត្ត មិនស្មុគស្មាញ ប្រើបានលឿនរហ័ស ហើយចំណាយតិចបំផុត។ ចាយតិចចំណេញច្រើនជាមួយ QRVCARD របស់ខ្មែរ។