ជាទូទៅការទំនិញអនឡាញពីក្រៅប្រទេស តម្រូវឱ្យអ្នកទាំងអស់គ្នាបំពេញទៅតាមលក្ខខណ្ឌមួយចំនួន ដែលគេបានដាក់ឱ្យ ហើយក្នុងនោះក៏មាន ឱ្យបំពេញនូវកូដតំបន់ដែលអ្នកទិញកំពុងតែរស់នៅបច្ចុប្បន្នដែរ។ មានបងប្អូនមួយចំនួនក៏បានដឹង បានចាំកូដតំបន់របស់ខ្លួន ហើយក៏មានបងប្អូនយើងមិនទាន់បានដឹងផងក៏មាន។
ថ្ងៃនេះក្រុមការងារ Technology Cambodia នឹងណែនាំវេបសាយមួយសម្រាប់អ្នកដែលមិនទាន់បានដឹងអំពីលេខកូដតំបន់របស់ខ្លួន ដើម្បីងាយស្រួលទិញទំនិញអនឡាញពីក្រៅប្រទេស ឬក៏ភ្ជាប់មុខងារអ្វីមួយ ដូចជារកលុយពីយូធូបក៏ដោយ។ វេបសាយនេះមានឈ្មោះថា cambodiapost.post របស់ក្រសួងប្រៃសណីយ៍ ដោយបងប្អូនអាចមើលលេខកូដតំបន់ចេញពីវេបសាយមួយនេះបាន។
រៀបនៅក្នុងការមើល បងប្អូនគ្រាន់តែចូលទៅកាន់វេបសាយ cambodiapost.post រួចជ្រើសរើងយកកកន្លែងដែលមានពាក្យថា កូដតំបន់ នោះបងប្អូននឹងឃើញឈ្មោះឃុំសង្កាត់ ជាច្រើន ប៉ុន្តែបើបងប្អូនត្រូវការលើតំបន់ដែលខ្លួនរស់នៅ គ្រាន់តែចុចជ្រើសរើសខេត្តខណ្ឌ និងឃុំសង្កាត់ដែតខ្លួនរស់នៅនោះ វានឹងបង្ហាញលទ្ធផងចេញមកហើយ។
អត្ថបទដោយ៖ ផែន ផាន់ណា
