ក្នុងចំណោមមុខតំណែងទាំងនោះ ការងារដែលមានប្រាក់ខែគោលខ្ពស់បំផុតដល់ ៥០០,០០០ ដុល្លារ ក្នុងមួយឆ្នាំ (ប្រមាណ ៤១,៦៦៦.៦៧ ដុល្លារ ក្នុងមួយខែ) គឺការងារដែលទាក់ទងនឹងការរៀបចំ និងគ្រប់គ្រងទិន្នន័យសម្រាប់បង្រៀនឲ្យប្រព័ន្ធ AI អាចរៀន និងធ្វើការជាមួយមនុស្សយន្តបាន។ និយាយឲ្យងាយយល់ គឺអ្នកជំនាញត្រូវជួយរៀបចំ និងដំណើរការទិន្នន័យច្រើន ដើម្បីឲ្យ AI អាចរៀនពីពិភពពិត និងបញ្ជាមនុស្សយន្តឲ្យធ្វើការងារផ្សេងៗបាន។

ការងារផ្សេងទៀតរបស់ OpenAI ក៏រួមមាន អ្នកបង្កើតកម្មវិធីសម្រាប់មនុស្សយន្ត អ្នករចនាផ្នែកចលនា និងម៉ូទ័ររបស់មនុស្សយន្ត អ្នកធ្វើតេស្តមនុស្សយន្ត និងអ្នកប្រមូលទិន្នន័យសម្រាប់បង្រៀន AI។ OpenAI កំពុងស្វែងរកអ្នកជំនាញសម្រាប់ការងារទាំងផ្នែក ផ្នែករឹង និងផ្នែកកម្មវិធី ដើម្បីអភិវឌ្ឍមនុស្សយន្តដែលអាចធ្វើការនៅក្នុងពិភពពិត។

ការផ្តល់ប្រាក់ខែខ្ពស់នេះកើតឡើង ខណៈ OpenAI កំពុងផ្តោតកាន់តែខ្លាំងលើការអភិវឌ្ឍ AI ដែលអាចធ្វើការជាមួយមនុស្សយន្ត។ ក្រុមហ៊ុនមានគោលដៅអភិវឌ្ឍមនុស្សយន្តដែលអាចប្រើប្រាស់សម្រាប់ការងារផ្សេងៗ ហើយនាពេលអនាគតអាចឈានដល់មនុស្សយន្តដែលជួយមនុស្សក្នុងជីវិតប្រចាំថ្ងៃ។ ទោះយ៉ាងណា ៥០០,០០០ ដុល្លារ មិនមែនជាប្រាក់ខែសម្រាប់ការងារ Robotics ទាំងអស់របស់ OpenAI ទេ ប៉ុន្តែជាប្រាក់ខែគោលអតិបរមាសម្រាប់មុខតំណែងជាក់លាក់មួយ។

គូសបញ្ជាក់ផងដែរថា ២៧ មុខតំណែង ដែល OpenAI កំពុងជ្រើសរើស៖

• ជំនាញទិន្នន័យ & AI (Data & AI)៖ រៀបចំ និងគ្រប់គ្រងទិន្នន័យ ដើម្បីបង្រៀន AI ឱ្យស្គាល់ពិភពពិត (ប្រាក់ខែខ្ពស់បំផុតដល់ ៥០ ម៉ឺន $/ឆ្នាំ)
• ផ្នែកកម្មវិធី (Software)៖ សរសេរកូដ បង្កើតប្រព័ន្ធបញ្ជា និងអភិវឌ្ឍ AI សម្រាប់មនុស្សយន្ត
• ផ្នែកគ្រឿងម៉ាស៊ីន (Hardware)៖ រចនាសម្ព័ន្ធ រូបរាង ចលនា និងម៉ូទ័ររបស់មនុស្សយន្ត
• ផ្នែកសាកល្បង (Testing & Operations)៖ ធ្វើតេស្តសាកល្បង និងប្រមូលទិន្នន័យជាក់ស្តែងពីមនុស្សយន្ត

ចំពោះប្រាក់ខែគោល៖ ចាប់ពី ១៧៧,០០០ $ ដល់ ៥០០,០០០ $/ឆ្នាំ (ខុសគ្នាតាមតួនាទី និងបទពិសោធន៍)។