ក្រុមហ៊ុន Nissan បានធ្វើការអភិវឌ្ឍនូវគំរូឡានអគ្គិសនីមួយ ដែលតម្រូវទៅលើឡានស្ព័រដ៏ល្បីល្បាយគ្រប់សម័យកាល Nissan Skyline GT-R ដែលនឹងត្រូវជ្រើសរើសជាឡានអគ្គិសនី ព្រមទាំងបានដាក់ឈ្មោះថា Nissan GT-R R32 EV ផងដេរ។ នេះបើយោងតាមគណនី Twitter របស់ Nissan។
ត្រឡប់ទៅអតីតកាលបន្តិច ឡានស្ព័រ Nissan Skyline ត្រូវបានបង្កើតឡើងដំបូងនៅឆ្នាំ ១៩៦៩ បន្ទាប់ពី Nissan បានសហការគ្នាជាមួយនឹង Prince Motor Company ដែលជាក្រុមហ៊ុនផ្តួចផ្តើមគំនិត Skyline ដំបូងគេ។ ហើយនៅឆ្នាំ១៩៨៩ Nissan បានបញ្ចេញនូវ R32 Skyline GT-R ។
【R32EV】vol.1
日産はR32型スカイラインGT-RのEV試作車製作に挑戦します。https://t.co/4eNjF3KdiI
この取り組みは、GT-Rに憧れて入社した技術者が「最高に好きなクルマに、今自分が関わる最新の電動化技術を載せて、もっとワクワクするクルマを造りたい」という思いから始まりました。#GTR #R32EV pic.twitter.com/pGBHqgeSBo
កន្លងអស់ពេលជាង ៣៤ឆ្នាំ Nissan បានគិតគូរដល់ចំណុចមួយដែលត្រូវផ្លាស់ប្តូរ R32 របស់ខ្លួនឲ្យទៅជា ឡានស្ព័រអគ្គិសនីឲ្យកាន់តែល្បីថែមទៀត និងជំរុញទីផ្សារឡានអគ្គិសនីឲ្យកាន់តែកើនឡើងទ្វេដងផងដែរ។ ដោយឡែក ក្រុមហ៊ុន Nissan ក៏មានគម្រោងបញ្ចេញលក់នូវឡានប្រើអគ្គីសនីសុទ្ធចំនួន ១៩ម៉ូដែល ត្រឹមឆ្នាំ២០៣០។
យ៉ាងណាមិញ សម្រាប់ឡានអគ្គិសនី Nissan ដែលប្រុងនឹងផលិតចេញមកនោះ គឺស្ថិតក្នុងការសិក្សានៅឡើយទេ ហើយ Nissan បាននិយាយថា “ Nissan GT-R R32 EV នឹងមានបំពាក់បច្ចេកវិទ្យាទំនើបចុងក្រោយរបស់ក្រុមហ៊ុន” ។ គួរជំរាបផងដែរថា Nissan បានដាក់ចេញលក់ឡានអគ្គិសនី ១ម៉ូដែល រួចមកហើយ គឺ Nissan Ariya SUV ដែលកំពុងតែចរាចរណ៍ពេញពិភពលោក៕
