ទីបំផុតរដ្ឋបាលចំណីអាហារ និងឱសថ(FDA) នៅសហរដ្ឋអាមេរិកបានព្រមអនុញ្ញាតឲ្យក្រុមហ៊ុន Neuralink របស់លោក Elon Musk យកបន្ទះឈីបដាក់ចូលក្នុងខួរក្បាលមនុស្សជាលើកដំបូងបង្អស់។ នេះបើយោងតាម TheVerge ដែលបានចេញផ្សាយ។
ប្រភពដដែលបានឲ្យដឹងថា ក្រុមហ៊ុន Neuralink ត្រូវបានបង្កើតតាំងពីឆ្នាំ២០១៦ មកម្លេះ ហើយក្រុមហ៊ុននេះ ត្រូវបានបង្កើតឡើង ក្នុងគោលដៅស្រាវជ្រាវរាវរកវិធីដាក់បន្ទះឈីបចូលទៅក្នុងខួរក្បាលរបស់មនុស្ស ដើម្បីជួយដល់ជនពិការភាព (ខ្វិនខ្វង់ ឬពិការភ្នែក) អាចមើលដឹងពីរូបភាពទាំងមូលក្នុងពិភពលោក ដូចមនុស្សធម្មតាដែរ។
បន្ទាប់ពីបានឆ្លងកាត់ការពិសោធន៍លើសត្វជាច្រើនប្រភេទ ដូចជាស្វា ជ្រូក កណ្ដុរ និងបក្សីមួយចំនួនទៀត អស់រយ:ពេល ៦ឆ្នាំ ពេលនេះលោក Elon Musk បានសម្រេចជ្រើសយកឆ្នាំ២០២២ ជាឆ្នាំសាកល្បងលើមនុស្សផ្ទាល់ ប៉ុន្តែគេត្រូវការសុំសិទ្ធអនុញ្ញាតពីខាង FDA ជាមុនសិន។ ដូច្នេះក្រោយពេលរងចាំអស់ពេល ៦ខែ Neuralink ទទួលបានសុំការអនុញ្ញាតឲ្យយកមនុស្សមកពីសោធន៍ដាក់បន្ទះឈីបក្នុងក្បាលហើយ។
ដោយឡែកបើតាមការបញ្ជាក់ពីក្រុមហ៊ុន Neuralink សម្រាប់ការជ្រើសរើសមនុស្សមកពិសោធន៍នេះ ពួកគេមិនទាន់បានបើកដំណើរនៅឡើយទេ ពួកគេនឹងប្រកាសព័ត៌មានបន្ថែមនៅពេលក្រោយ ឆាប់ៗនេះ”។
We are excited to share that we have received the FDA’s approval to launch our first-in-human clinical study!
— Neuralink (@neuralink) May 25, 2023
This is the result of incredible work by the Neuralink team in close collaboration with the FDA and represents an important first step that will one day allow our…
គួររំលឹកផងដែរថា កាលពីឆ្នាំ ២០២១ សត្វស្វាដែលត្រូវបានយកមកពិសោធន៍ជាមួយបន្ទះឈីប ដោយតម្រូវឱ្យលេងហ្គេម MindPong ហើយការពិសោធន៍ទៀតសោត ក៏ទទួលបានជោគជ័យល្អផងដែរ៕
អត្ថបទ៖ ព្រឹម ភក្តី
