នាព្រឹកថ្ងៃទី២៤ ខែកុម្ភៈ ឆ្នាំ២០២៥ យោងតាមការប្រកាសលើគេហទំព័ររបស់ក្រសួងអប់រំ យុវជន និងកីឡាបានប្រាប់ឲ្យដឹងថា ក្រសួងអប់រំបានដាក់ឱ្យអនុវត្តយុទ្ធសាស្ត្រអប់រំឌីជីថលសម្រាប់សាលារៀនក្នុងគោលដៅលើកកម្ពស់អក្ខរកម្មឌីជីថលដែលជាការជំរុញការសិក្សារបស់សិស្សឲ្យមានភាពងាយស្រួលជាងមុនក្នុងការស្វ័យសិក្សា ការស្រាវជ្រាវមេរៀន ព័ត៌មាន និងទិន្នន័យឯកសារផ្សេងៗដែលពាក់ព័ន្ធជាមួយការសិក្សា។

សាលារៀនឌីជីថល មិនមែនគ្រាន់តែដាក់បញ្ចូលបច្ចេកវិទ្យា និងបញ្ញាសិប្បនិម្មិត ក្នុងការរៀន បង្រៀន និងអភិបាលកិច្ចសាលារៀននោះទេ ប៉ុន្តែជាការបើកទំព័រថ្មីមួយសម្រាប់វិស័យអប់រំ ផ្ដល់ឱកាសឱ្យសិស្សទទួលបានឱកាសសិក្សាដែលគ្មានដែនកំណត់ឆ្ពោះទៅកាន់អនាគតដ៏រុងរឿង។ លក្ខណៈពិសេសរបស់សាលាឌីជីថល គឺការផ្ដល់ជូនថ្នាក់រៀននិម្មិត និងថ្នាលសិក្សាបែបអន្តរកម្ម សិស្សានុសិស្សអាចសិស្សាតាមប្រព័ន្ធឌីជីថល ដែលមានភាពបត់បែន និងអាចផ្ដល់នូវមេរៀន ទៅតាមរបៀបរៀន និងល្បឿននៃការសិក្សារៀងៗខ្លួន។

នេះជាមូលហេតុដែលក្រសួងអប់រំដាក់បញ្ចូលបញ្ញាសប្បនិម្មិតក្នុងការអប់រំកម្ពុជាមានដូចជា៖ ការរៀនដោយខ្លួនឯង តាមប្រព័ន្ធ AI មានភាពបត់បែននិងអាចផ្តល់មកនូវមេរៀនដល់អ្នកសិក្សា ទៅតាមរបៀបរៀន និង ល្បឿននៃការសិក្សារៀងៗខ្លួន, ឧបករណ៍ឆ្លាតវៃក្នុងការវាយតម្លៃ ការវិភាគលទ្ធផលសិក្សា របស់សិស្ស ដោយប្រើប្រាស់ឧបករណ៍ AI, អ្នកបង្រៀននិម្មិត AI chatbots ជួយគាំទ្រដល់ការរៀន របស់សិស្ស និងការបង្រៀនរបស់គ្រូបានភ្លាមៗ, ឧបករណ៍ជំនួយដល់គ្រូបង្រៀន AI អាចបង្កើតមាតិកា ផ្តល់យោបល់ណែនាំ និងអាចសម្រួលកិច្ចការរដ្ឋបាលមួយចំនួន បានដោយស្វ័យប្រវត្តិ និងការវិភាគទិន្នន័យយុទ្ធសាស្រ្តកែលម្អការសិក្សា ដោយផ្តោតលើទិន្នន័យ។

នេះជារឿងមួយដែរគួរឲ្យកោតសរសើរលើថ្នាក់ដឹកនាំកម្ពុជាក្នុងការជួយជម្រុញវិស័យអប់រំឲ្យមានភាពជឿនលឿនទៅតាមសម័យកាលបច្ចេកវិទ្យាពិភពលោក។

អត្ថបទដោយ៖ ងួន ឃុនណា