ខាងក្រោមនេះជារបៀបប្រើប្រាស់ Gemini Live៖

១. ដំឡើងកម្មវិធី៖

• Android: អ្នកអាចប្រើតាមរយៈកម្មវិធី Google Gemini (ទាញយកពី Play Store)។
• iOS (iPhone): អ្នកអាចប្រើក្នុងកម្មវិធី Google Gemini (ទាញយកពី App Store)។

• បើកកម្មវិធី Gemini ឡើង សម្លឹងមើលទៅជ្រុងខាងស្តាំផ្នែកខាងក្រោមនៃអេក្រង់អ្នកនឹងឃើញរូបតំណាង (Icon) ដូចជា រលកសំឡេង (Waveform)។
• ចុចលើ Icon នោះ វានឹងលោតផ្ទាំង "Gemini Live" ឡើងមក។

២. ការប្រើប្រាស់៖

• ពេលវាបង្ហាញពាក្យថា "Listening" អ្នកអាចចាប់ផ្តើមនិយាយជាភាសាអង់គ្លេសទៅកាន់ Gemini បានភ្លាមៗ។
• អ្នកអាចផ្អាក (Pause) ឬបញ្ចប់ការសន្ទនា (End) ដោយចុចលើប៊ូតុងនៅលើអេក្រង់។
• ចំណុចពិសេសគឺ អ្នកអាចនិយាយកាត់វានៅពេលវាកំពុងនិយាយបាន ប្រៀបដូចជាការនិយាយទូរស័ព្ទជាមួយមនុស្សម្នាក់អញ្ចឹង។

អ្វីដែលអ្នកអាចធ្វើបានក្នុង Gemini Live (ភាសាអង់គ្លេស)៖

• Practice English: ឱ្យ Gemini ដើរតួជាអ្នកសម្ភាសន៍ការងារ ឬគ្រូបង្រៀនដើម្បីហាត់និយាយ។
• Brainstorm: ពិភាក្សាពីគំនិតថ្មីៗសម្រាប់កិច្ចការងារ ឬការសិក្សា។
• Ask for Advice: សួរយោបល់ផ្សេងៗតាមបែបធម្មជាតិដូចមនុស្សនិយាយ។

គូសបញ្ជាក់ផងដែរថា ប្រសិនបើអ្នកមិនទាន់ឃើញប៊ូតុងរលកសំឡេងនេះទេ សូមប្រាកដថាអ្នកបាន Update កម្មវិធីទៅកាន់ Version ចុងក្រោយបំផុត និងអាចប្រើបានដោយឥតគិតថ្លៃ។