ឡាន Lexus RX 450h+ ដែលធ្លាប់ជា គំរូឡាន ឥឡូវបានមកបង្ហាញខ្លូននៅប្រទេសថៃក្នុងពិព័រណ៍ Motor Expo 2022 ជាមួយតម្លៃកាន់តែពិសេសលក់ក្នុងស្រុកថៃ គឺជាង 5.09លានបាត ឬស្មើនឹងជាង ១៤ម៉ឺនដុល្លារសហរដ្ឋអាមេរិក ។
យោងតាមការចេញផ្សាយពី ពិព័រណ៍ឡានលើកទី ៣៩ ឆ្នាំ២០២២ Motor expo 2022 នៅប្រទេសថៃ បានឲ្យដឹងថា Toyota Motor Thailand Co., Ltd បាននាំយកនូវឡានស៊េរីថ្មីគឺ Lexus RX450h+ ស៊េរីឆ្នាំ២០២៣ មកដាក់បង្ហាញក្នុងពិព័រណ៍ Motor Expo 2022 ។
Lexus RX450h+ 2023 ជាឡានដែលប្រើប្រាស់ថាមពលពាក់កណ្ដាល់អគ្គិសនី PHEV ដោយមានទំហំថ្មផ្ទុក 18.1Kwh អាចបញ្ចូលថ្មដូចឡានអគ្គិសនីដែរ។
ជាមួយគ្នានេះដែរ ចំពោះឡានដែលប្រើប្រាស់ PHEV គឺជួយសន្សំសំចៃខ្លាំង ដូចជា RX450h+ PHEV នេះអ៊ីចឹង ក្នុងបរិមាណសាំង 1លីត្រអាចបើកបរក្នុងចម្ងាយ 76.9Km ពោលបើជិះ 100Km ស៊ីសាំងជាង 2លីត្រប៉ុណ្ណោះ ។
យ៉ាងណាមិញ ឡានម៉ូដែលថ្មីនេះ ដំណើរការដោយប៉ុង២ និងមានកម្លាំងម៉ាស៊ីន 2487cc ដោយកម្លាំងសេះ 182hp និងកម្លាំងរមូរ 227Nm ។ លើសពីនេះ RX450h+ PHEV ក៏បំពាប់ជាមួយនឹងម៉ូទ័រអគ្គិសនី ២គ្រឿងផងដែរ ដោយកង់ខាងមុខមានកម្លាំង134Kw និងកង់ខាងក្រោយ 40Kw ។ ចំណែកឯល្បឿនស្ទុះរបស់ឡាននេះវិញ ក្នុងការជាន់ល្បឿនកប់មួយដង្ហើម ពី០ទៅ 100Km/h ចាយពេលតែ 6,5វិនាទី ប៉ុណ្ណោះ។
ចំពោះផ្នែកខាងមុខ RX450h+ បានបំពាក់ជាមួយចង្កៀង LED 3គ្រាប់ អមជាមួយនឹងបច្ចេកវិទ្យា Blade Scan Adaptive High Beam System ជួយដល់ការគ្រប់គ្រងពន្លឺភ្លើងឲ្យជះចេញពីវត្ថុខាងមុខ ដូចជាឡាន មនុស្ស ដោយសារេយ៉ាងឲ្យចំតែតំបន់ទូលាយប៉ុណ្ណោះ។ ហើយក៏មានបំពាក់នូវអេក្រង់ Touchscreen ប្រភេទ EMV ទំហំ 14អ៊ីញ ដោយអាចភ្ជាប់ជាមួយនឹង Apple CarPlay និង Android Auto មិនចាំបាច់ប្រើខ្សែ ។
អត្តដោយ៖ ព្រឹម ភក្តី
