សម្រាប់សិស្សនិស្សិត ឬបងប្អូនសាធារណជន ដែលចង់រៀនបន្ថែម ឬក៏ចង់បង្កើតមុខរបរមួយដោយខ្លួនឯង ទាក់ទងនឹងការរចនារូបភាព ឬក្រាហ្វិកឌីហ្សាញ ឱកាសមកដល់ហើយ ដោយវិទ្យាស្ថានជាតិសហគ្រិនភាព និងនវានុវត្តន៍ បានបើកវគ្គសិក្សាជំនាញបច្ចេកទេស និងវិជ្ជាជីវ:រយ:ពេល ៤ខែ ដោយឥតគិតថ្លៃ លើជំនាញទាំង ៦ រួមមាន៖
១-កាត់តរូបភាព ក្រាហ្វិកឌីហ្សាញ
២-ការថែរក្សាសម្ផស្ស និងសម្អាងកាយ
៣-ការឆុងកាហ្វេ និងភេសជ្ជៈ
៤-ការដុតនំប៉័ង
៥-ការក្រឡុកស្រា
៦-ជំនាញម្ហូបខ្មែរ/ថៃ/ជប៉ុន/ចិន
ក្រោយបញ្ចប់វគ្គបណ្តុះបណ្តាលរយ:ពេល ៤ខែ បងប្អូននឹងទទួលបាននូវចំណេះដឹងច្បាស់លាស់លើជំនាញដែលខ្លួនបានជ្រើសរើសរៀន ព្រមទាំងទទួលបានសញ្ញបត្របញ្ជាក់ពីការសិក្សាទៀតផង និងអាចរកការងារធ្វើបានប្រាក់ខែសមរម្យ និងអាចបើកអាជីវកម្មផ្ទាល់ខ្លួនបានទៀតផង។
ចំណែកឯ លក្ខខណ្ឌ និងឯកសារភ្ជាប់សម្រាប់ដាកពាក្យចូលរៀនមានដូចជា ៖
- អត្តសញ្ញាណប័ណ្ណ (ថតចម្លង) ចំនួន ០១ ច្បាប់
- សំបុត្រកំណើត (ថតចម្លង) ចំនួន ០១ ច្បាប់
- សៀវភៅការងារ (ថតចម្លង) ចំនួន ០១ ច្បាប់
- ប័ណ្ណសំគាល់ខ្លួនកម្មករនិយោជិតខ្មែរ (ថតចម្លង) ចំនួន ០១ ច្បាប់
- រូបថត 4*6 ផ្ទៃពណ៌ខៀវ (ពាក់អាវធំ) ចំនួន ០៦ សន្លឹក
គួរជំរាបផងដែរថា សម្រាប់កាលបរិច្ឆេទចូលរៀននៅថ្ងៃទី០៨ ខែមិថុនា ឆ្នាំ២០២៣ ចំពោះទីតាំងវិទ្យាស្ថានជាតិសហគ្រិនភាព និងនវានុវត្តន៍ គឺមានអាសយដ្ឋានស្ថិតនៅតាមបណ្តោយមហាវិថីសហព័ន្ធរុស្សី សង្កាត់ទឹកថ្លា ខណ្ឌសែនសុខ រាជធានីភ្នំពេញ និងទំនាក់ទំនង៖ 011298456 / 093808057 / 010266296 / 077225425 / 069967979 / 010744132 / 098267716៕
អត្ថបទ៖ ព្រឹម ភក្តី
