សម្រាប់ក្រុមហ៊ុន BYD មិនមានការបញ្ចេញទិន្នន័យអ្វីទាក់ទងនឹងឡាន Pick Up នោះឡើយ តែយ៉ាងណាបើសង្កេតមើលទៅលើរូបភាពដែលបែកធ្លាយ នៅប៉ាណាខាងមុខនៃរថយន្ត Pickup នេះមានរំលេចនូវលោហ្គោ BYD យ៉ាងស្រស់ស្អាត។

បើតាមប្រភពសារព័ត៌មានចិនមួយចំនួនបានឱ្យដឹងថា គេឃើញក្រុមហ៊ុន BYD ធ្វើការតេស្ដសាកល្បងរថយន្តនេះជាច្រើនខែណាស់មកហើយ។

ជាមួយគ្នានេះដែរ ក៏មានរូបភាពបែកធ្លាយនៃឡានថ្មីនេះ មានលក្ខណៈបែបប៉ារ៉ាពណ៌ខៀវ ហើយគេប៉ាន់ប្រមាណថា ឡាននេះអាចនឹងមានបណ្ដោយខ្ទង់ ៥.៣ម៉ែត្រ ទទឹង ១.៨ ម៉ែត្រ។

ចំពោះម៉ាស៊ីននិងបច្ចេកវិទ្យាខាងក្នុងមិនទាន់ភាពភាពច្បាស់ការថាយ៉ាងណាទេ ដោយប្រភពខ្លះថាជា Pick Up អគ្គិសនីពេញទី ឯប្រភពខ្លះទៀតលើកឡើងថាជាប្រភេទ PHEV។

សម្រាប់ក្រុមកាងារចាបខៀវ ក្នុងដំណើរទស្សនៈកិច្ចទៅកាន់ក្រុមហ៊ុន BYD នៅឯទីក្រុង Shenzhen ប្រទេសចិនកន្លងទៅនេះ ក៏បានឃើញនូវឡាន Pick up ស្រដៀងទៅនឹងរូបភាពដែលបែកធ្លាយនេះផងដែរ ដែលយើងអាចសន្និដ្ឋានជាដំបូងថា BYD នឹងបញ្ចេញ Pick up អគ្គិសនីនេះមកឆាប់ៗមែន៕