ក្រុមហ៊ុន Lamborghini បានប្រកាសថាខ្លួនឈានជើងម្ខាងលើវិស័យរថយន្តអគ្គិសនីនៅឆ្នាំ២០២៨ ខាងមុន ប៉ុន្តែនៅឆ្នាំ២០២៣នេះ Lamborghini មានផែនការវិវត្តន៍ខ្លួនបន្តិចម្តងៗ ដោយបានជំរុញលើការផលិតឡានកូនកាត់ គឺជាប្រភេទឡាន Hybrid ដែលជួយកាត់បន្ថយនូវការបញ្ចេញឧស្ម័នពុលកាបូនទៅបរិកាស ក៏ដូចជាក្នុងទីក្រុង ។
យោងតាមប្រភពពី Electrek.co បានឲ្យដឹងថា នៅឆ្នាំ២០២៣ ក្រុមហ៊ុន Lamborghini បោះទុន ១.៨ពាន់លានដុល្លារ ចំនួន ៤ ឆ្នាំ លើគម្រោងយករថយន្តរបស់ខ្លួនចំនួន ៣ម៉ូដែល មកញោតបញ្ចូលនូវបច្ចេកវិទ្យា Hybrid electric (HEV) និង Plug-Iin Hybrid (PHEV) ក្នុងនោះមានដូចជា Aventador HEV នៅក្នុងឆ្នាំ២០២៣ ចំណែក Huracan PHEV ត្រូវផលិតនៅចុចឆ្នាំ២០២៤ និង Uras PHEV SUV នឹងត្រូវផលិតចេញនៅក្នុងឆ្នាំ២០២៤ ។
គួរជំរាបផងដែរថា នៅក្នុងឆ្នាំ២០២៣ នេះ Lamborghini នឹងយក Lamborghini Aventador មកបំពាក់នូវម៉ាស៊ីន Hybrid ដោយឡែក Lamborghini Huracan នឹងបំពាក់បច្ចេកវិទ្យា Plug-in Hybrid ដែលអាចសាកថ្មដូចឡានអគ្គិសនីដែរ នៅចុចឆ្នាំ២០២៤ ៕