ចាប់ពីថ្ងៃទី ១១ ខែមីនា ឆ្នាំ២០២៦ តទៅ អគ្គិសនីកម្ពុជានឹងចាប់ផ្តើមបញ្ជូនថាមពលអគ្គិសនីតាមរយៈខ្សែខ្សែកាបក្រោមបាតសមុទ្រ ដើម្បីផ្គត់ផ្គង់ជូនប្រជាពលរដ្ឋ និងម្ចាស់អាជីវកម្មនៅលើកោះរ៉ុងសន្លឹមទាំងមូល។ ការសម្រេចបាននូវសមិទ្ធផលនេះ នឹងជួយឱ្យអ្នករស់នៅលើកោះមានអគ្គិសនីប្រើប្រាស់ប្រកបដោយស្ថិរភាព និងតម្លៃសមរម្យដូចនៅដីគោកដែរ។

ជាមួយគ្នានេះ អគ្គិសនីកម្ពុជាក៏បានអំពាវនាវដល់សាធារណជន និងអ្នកធ្វើដំណើរឆ្លងកាត់តំបន់ខ្សែបណ្តាញ (ចាប់ពីគោករកា ដល់កោះរ៉ុងសន្លឹម) មេត្តាបង្កើនការប្រុងប្រយ័ត្នខ្ពស់ ដើម្បីជៀសវាងការប៉ះពាល់ដល់ខ្សែកាបអាកាស និងខ្សែកាបក្រោមដី-បាតសមុទ្រ ដែលអាចបង្កគ្រោះថ្នាក់ជាយថាហេតុ។