នៅពេលរថយន្តប្រភេទ Sedan របស់ក្រុមហ៊ុន Kia គឹ optima បានបាត់មុខចេញពីអាណាចក្ររថយន្តកាលពីឆ្នាំ ២០២០ គេស្មានថាដាច់ពូជបាត់ទៅហើយ តែឥឡូវក្រុមហ៊ុន Kia បានបង្ហាញមុខមាត់ថ្មីក្មេងជំនាន់ក្រោយរបស់ខ្លួនស៊េរីឆ្នាំ២០២២ ដោយបានពាំនាំនូវគំនិតច្នៃប្រដិតថ្មីស្រឡាងមកដាក់ចូលក្នុង Kia K5 ។
ចំពោះតម្លៃរបស់ Kia K5 វិញ ទាំង ៧ ប្រភេទមានចាប់ពី២ម៉ឺនដុល្លារ ទៅជាង ៣ម៉ឺនដុល្លារ តាមម៉ូដែលម៉ាស៊ីន និង option ខ្លះដែលមានទំហំធំជាងគ្នាបន្តិច( K5 LX តម្លៃ ២៣,៧៩០ដុល្លារ , K5 LXS FWD តម្លៃ ២៤,៧៩០ ដុល្លារ , K5 LXS AWD តម្លៃ ២៦,៥៩០ដុល្លារ, K5 GT-Line FWD តម្លៃ ២៦,១៩០ដុល្លារ, K5 GT-Line AWD តម្លៃ ២៧,៧៩០ដុល្លារ, K5 EX តម្លៃ ២៨៦៩០ដុល្លារ និង K5 GT តម្លៃ ៣១,១៩០ ដុល្លារ) តែតម្លៃទាំងនេះនៅក្រៅស្រុកទេ ចំពោះនៅស្រុកខ្មែរមិនទាន់មានទិន្នន័យច្បាស់លាស់នោះទេ។
តួរយ៉ាងចំពោះម៉ូដែលខ្ពស់របស់ Kia K5 GT មានម៉ាស៊ីនសាំងចំណុះ ២.៥ លីត្រ Turbo ស៊ីឡាំង ៤ ប៉ុង ២ AWD មានកម្លាំងម៉ាស៊ីន ២៩០ សេះ និងកម្លាំងរមួល ៣១១ lb-ft រួមទាំងមានប្រអប់លេខ ៨វគ្គអូតូ ។
ចំណែករូបរាងក្រៅ K5 GT ត្រូវបានក្រុមហ៊ុន Kia ប្រើនូវគំនិតឌីហ្សាញយ៉ាងប្រណិតមានភាពទាន់សម័យ មិនចាញ់ប្រភេទរថយន្ត Luxery Car ប៉ុន្មានទេ។
ម្យ៉ាងទៀតការរាប់ចំផ្នែកខាងក្នុង K5 GT រំព័ន្ធទៅដោយពណ៌ខ្មៅសុទ្ធ តែកៅអីក្រុមហ៊ុនឲ្យមកជម្រើសតែ ២ ពណ៌ទេ គឹ Black និង Chestnut Brown ។ រីឯអេក្រង់ចុចកញ្ចក់មានទំហំ ១០.២៥ អ៊ីង អាចភ្ជាប់ជាមួយ Apple Car និង Android Auto ប្រព័ន្ធសាកថ្មឥតខ្សែ (Wireless Phone charger) និង ប្រព័ន្ធសុវត្ថិភាពជាច្រើន ។
