នៅក្នុងយុគសម័យបច្ចេកវិទ្យានៅលើពិភពលោកនេះកំពុងវិវត្តន៍ខ្លួនឈានជើងឆ្ពោះទៅរកអនាគតឆាប់ៗនេះហើយ ។ ដោយឡែក ក្រុមហ៊ុនរបស់កូរ៉េខាងត្បូង Hyundai និង Kai បានសហការគ្នាដើម្បីបង្កើតនូវរថយន្តអគ្គិសនីនាពេលអនាគត ដែលមានឈ្មោះថា " Concept SEVEN " ថ្មីរបស់ Hyundai ។
Concept SEVEN ត្រូវបានបង្កើតឡើងនៅលើវេទិកា Electric-Global Modular Platform (E-GMP) របស់ក្រុមហ៊ុន Hyundai Motor Group ។
បើយោងតាមការចុះផ្សាយរបស់គេហទំព័រមួយនៅក្រៅស្រុក បានឲ្យដឹងថា នៅក្នុងកម្មវិធី La Auto Show ក្រុមហ៊ុន Hyundai បានបង្ហាញនូវគំនិតនៃអនាគត អំពីគម្រោងបង្កើតនូវរថយន្តអគ្គិសនីប្រភេទ SUV ដែលមានបច្ចេកវិទ្យាទំនើបៗ ពោលគឺបច្ចេកវិទ្យាអនាគត ដែលគ្រោងបំពាក់លើ Concept SEVEN ។
ទាំងនេះជារូបភាពមួយចំនួននៃ concept SEVEN ថ្មី ៖
ជាមួយគ្នានេះផងដែរ ផ្អែកលើវេទិកា E-GMP រថយន្តអគ្គិសនីម៉ូដែល Ioniq SUV របស់ Hyundai ដែលមានរូបរាងធំ ត្រូវបានគេរកឃើញថា មានរន្ធសាកថ្មទំហំ ៨០០វ៉ុល ដែលអាចសាកថ្មក្នុងល្បឿនលឿន ជាមួយនឹងថាមពលសាកថ្មនៅស្ថានីយ ៣៥០ គីឡូវ៉ាត់ ហើយលក្ខណ:ពិសេសមួយនេះគឺមានស្រាប់នៅលើម៉ូដែល Ioniq 5 ដែលមានការពេញនិយមជិះជាងច្រើននៅបណ្ដាប្រទេសប៉ែកខាងអឺរ៉ុប ។
យ៉ាងណាមិញ នៅក្នុងកម្មវិធី La Auto Show នេះផងដែរ ក្រុមហ៊ុន Kia ក៏បានបង្ហាញនូវ Concept ថ្មី ដែលខ្លួនកំពុងគ្រោងទុក ដើម្បីអភិវឌ្ឍន៍ជាមួយនឹងរថយន្តប្រភេទ SUV អគ្គិសនីមួយម៉ូដែលផងដែរ ហើយនោះគឺ EV9 " Kia Concept EV9 " ។
ទាំងនេះជារូបភាពមួយចំនួននៃ Concept EV9 ថ្មី ៖
អត្ថបទដោយ ៖ ព្រឹម ភក្តី
