ចេញជាផ្លូវហើយ ឡានអគ្គិសនីរបស់ក្រុមហ៊ុនកូរ៉េ Kia EV9 ស៊េរីឆ្នាំ២០២៤ ប្រភេទ SUV កៅអី ៣ជួរ ឬ ៦កៅអី ដូចទៅនឹងប្រភេទរថយន្តសាំង Cadillac Escalade 600, Toyota highlander, Ford Explorer ជាដើម។ ហើយឡានអគ្គិសនី Kia EV9 នេះនឹងត្រូវដាក់បង្ហាញមុខជាផ្លូវការ នៅសហរដ្ឋអាមេរិកជាតម្លៃប្រហាក់ប្រហែល ៥ម៉ឺនដុល្លារ ទៅ ៧ម៉ឺនដុល្លារ នេះបើតាមយោងតាម Caranddriver ដែលបានចេញផ្សាយ។
តាមប្រភពខាងលើបានឲ្យដឹងទៀតថា ឡាន Kia EV9 SUV ស៊េរីឆ្នាំ២០២៤ នឹងបង្ហាញមុខជាផ្លូវការនៅក្នុងខែមេសា ឆ្នាំ២០២៣ ខាងមុននេះ នៅសហរដ្ឋមេរិក។ ហើយកាលកន្លងទៅ ក្រុមហ៊ុនឡានកូរ៉េ Kia ក៏បានបង្ហាញវិដេអូ Teaser ខ្លីអំពី ផ្នែកខ្លះៗនៃការឌីហ្សាញ ឡានអគ្គិសនី Kia EV9 ប្រភេទ SUV ខ្នាតធំ Full-Size នេះដែរ ជាក់ស្តែងពេលនេះក្រុមហ៊ុន Kia បានបង្ហាញមុខមាត់ក៏ដូចជាប្រកាសថ្ងៃចេញលក់របស់ EV9 ជាផ្លូវការ ។
យ៉ាងណាមិញ ការបង្ហាញលើកនេះមិនខុសគ្នា ដូចរាល់ដងឡើយ គឺ Kia នៅតែលាក់លាមនូវផ្នែកខ្លះៗនៃ EV9 ទុកពញាក់អារម្មណ៍អតិថិជន ក៏ដូចជាភ្ញៀវកត្តិយសមកមើលការបង្ហាញផ្ទាល់ភ្នែក។ ហើយការបង្ហាញលើកនេះ យើងក៏ដឹងរឿងមួយទៀតគឺ Kia EV9 ត្រូវបានបំពាក់នូវកញ្ចក់វែងស្តូក ទំហំ ១២.៣អ៊ីញ និងកម្លាំងថ្មដែលមានសមត្ថភាពអាចឲ្យឡានរត់បានចម្ងាយ 482Km នៅពេលសាកថ្មពេញម្តង។
មិនតែប៉ុណ្ណោះ ភាពអស្ចារ្យរបស់ឡានអគ្គិសនីនេះ ដែលឡានតម្លៃជាង ៧ម៉ឺនដុល្លារមិនដែលមានគឺ កៅអី ជួរទី ២ អាចបត់ឲ្យទល់មុខគ្នាបាន និងអាចកាចបង្វិលបាន ៣៦០ដឺក្រេផងដែរ ។
គួរបញ្ជាក់ផងដែរថា បើយោងតាមប្រភពពី Carscoop ចំពោះជម្រើសនៃកម្លាំងរបស់ឡានអគ្គិសនី Kia EV9 នេះត្រូវបានបែងចែកជា ២ ប្រភេទ គឺប្រភេទទី១ ជាឡានដែលកម្លាំងម៉ូទ័រអគ្គិសនី 200hpមានតម្លៃប្រហែល ៥៦០០០ដុល្លារអាមេរិក និងទី២ មានកម្លាំងម៉ូទ័រអគ្គិសនីមានកម្លាំងសេះ 400hp ដែលមានតម្លៃជាង ៧៣០០០ដុល្លារ ដែលជាOption តម្លៃខ្ពស់ជាងគេប្រភេទ Flagship ៕
អត្ថបទដោយ៖ ព្រឹម ភក្តី
