កុំថាឡើយនៅខ្មែរ សូម្បីតែនៅអូស្ត្រាលីប្រទេសជឿនលឿនយើង រាប់សិបដងនៅតែមិនទាន់យល់ច្បាស់ពីបច្ចេកវិទ្យាឡានកូនកាត់ផងហ្នឹង ដល់ថ្នាក់ Kia រអួរង៉ាវរឿងឡាន Plug-in Hybird គឺពិបាកលក់ជាងឡានអគ្គិសនីទៅទៀត។
Kia នៅអូស្ត្រាលីពេលនេះ ស្ថានភាពដូចជាមិនសូវជាល្អសោះ ដល់ថ្នាក់មេធំក្រុមហ៊ុន Kia ប្រចាំនៅអូស្ត្រាលី លោក Meredith រអ៊ូជុំវិញរឿងការលក់ឡានប្រភេទ Plug-in Hybrid ដែលគាត់បានលើកពីផលវិបាកជាច្រើន ធ្វើឲ្យឡានប្រភេទនេះចំនួននៃការលក់តិចខ្លាំងមែនទែន និយាយរួមគឺលក់សឹងតែមិនដាច់តែម្តង។
នៅប្រទេសអូស្រ្តាលី ចំនួននៃការលក់របស់ឡាន Plug-in Hybrid ក្នុងខែឧសភា មានតែ 800គ្រឿងប៉ុណ្ណោះ ចំណែកឯឡានដែលប្រើថាមពលអគ្គិសនីសុទ្ធវិញ លក់បានដល់ទៅ 8100 គ្រឿងឯណោះ ចម្លែកមែនទែន។
យោងតាមប្រភពពីគេហទំព័រ Carexpert បានឲ្យដឹងថា កាលពីឆ្នាំ២០២២ ចំនួននៃការលក់ឡានអគ្គិសនី កើនឡើងដល់ទៅ 275% រីឯឡានកូនកាត់អគ្គិសនី plug-in Hybrid កើនឡើងតែ 18%ប៉ុណ្ណោះ ។
ផ្ទុយទៅវិញ សម្រាប់បច្ចេកវិទ្យា Plug-in Hybrid ត្រូវបានគេចាត់ទុកបច្ចេកវិទ្យាថ្មីសម្រាប់ប្រជាជនអូស្ត្រាលីទៅវិញ អញ្ចឹងវាមិនខុសគ្នាអីប្រទេសកម្ពុជាទេ ដែលឡាន Plug-in Hybrid គឺមានសូវមានលក់នៅស្រុកខ្មែរឡើយ ទោះជាមានក៏ប្រជាជននៅទីនេះមិនសូវជាចាប់អារម្មណ៍ខ្លាំងដូចទៅឡានប្រើអគ្គិសនីសុទ្ធដែរ។
ដោយឡែក លោក Meredith មិនបានគិតបែបនេះឡើយ គាត់បានលើពីអត្ថប្រយោជន៍នៃឡាន Plug-in Hybrid របស់គាត់ដែលតែងតែជិះទៅធ្វើការរាល់ថ្ងៃថា សម្រាប់ចម្ងាយពី office ទៅផ្ទះគាត់ ធ្វើដំណើរទៅវិញទៅមកចម្ងាយផ្លូវ 10Km ប៉ុណ្ណោះ ហីអ្វីដែលគាត់តែងតែធ្វើជារៀងរាល់ព្រឹកគឺ សាកថ្មឡានពេលដែលចូលដល់ចំណត់ឡាន ហើយគាត់មិនចាំបាច់ចំណេយពេលទៅ ហ្គារ៉ាសសាំងអ្វីឡើយ។
ហើយគាត់បានរអ៊ូថាវាពិបាកខ្លាំងមែនទែន ក្នុងការពន្យល់ឲ្យអតិថិជនយល់ច្បាស់ពីបច្ចេកវិទ្យាមួយនេះ ។
ហីគួររំលឹកផងដែរថា បច្ចុប្បន្នក្រុមហ៊ុន Kia បានយកម៉ូដែល Kia Sorento ដែលជាឡាន Plug-in hybrid តែ១ម៉ូដែលប៉ុណ្ណោះមក ដាក់លក់នៅប្រទេសអូស្រ្តាលី ហីឡានម៉ូដែលនេះ លក់ដាច់បាន ១០គ្រឿង ក្នុង១ខែ នៅឆ្នាំ២០២២ នេះបើតាមទិន្នន័យពីខាងក្រុមហ៊ុនផ្ទាល់៕
អត្ថបទ៖ ព្រឹម ភក្តី