នរណាមិនស្គាល់កំពូលម៉ូតូប្រណាំងរបស់ជប៉ុន Kawasaki Ninja H2 ដែលមានគេឈ្មោះល្បីល្បាញពាសពេញពិភពលោក សូម្បីតែនៅស្រុកខ្មែរក៏មានម្ចាស់ Ninja H2 មិនតិចគ្នាដែរ។ ដោយឡែកម៉ូតូធំនេះ បានចេញនូវស៊េរី ២០២៣ ហើយ ព្រមទាំងបានបន្ទាន់សម័យលើចង្កៀងភ្លើងមុខ អាចបញ្ចេញពន្លឺខ្លាំងខ្សោយដោយស្វ័យប្រវត្តិដូចឡានទំនើបៗដែរ។
/cloudfront-us-east-1.images.arcpublishing.com/octane/FZYKIRRLGJEQFB6XMPJ4LEM56Q.jpg)
យោងតាមប្រភព Motorcyclelist បានឲ្យដឹងថា ម៉ូតូធំ Kawasaki Ninja H2 SX SE ស៊េរី២០២៣ ត្រូវបានដាក់លក់ហើយ ក្នុងតម្លៃចាប់ផ្តើមពី ២៨០០០ដុល្លារ លក់នៅអាមេរិក ដែលតម្លៃនេះដែរគឺថ្លៃជាង Toyota Priuse ស៊េរីឆ្នាំ២០២៣ មានតម្លៃចាប់ផ្តើមដូចគ្នា ២៧ ៤៥០ដុល្លារ។
/cloudfront-us-east-1.images.arcpublishing.com/octane/MJGUX73KUBHQHN2GT6MUXGSDKU.jpg)
មិនត្រឹមតែប៉ុណ្ណោះ សម្រាប់ការបន្ទាន់សម័យថ្មី Ninja H2 នេះគឺបានបន្ថែមនូវបច្ចេកវិទ្យា Adaptive high-Beam assist ចូលក្នុងចង្កៀង LED ១គ្រាប់ ដែលជួយដល់ការបំព្លឺភ្លើងខ្លាំង-ខ្សោយដោយស្វ័យប្រវត្ថិនៅពេលដែលមានឡានខាងមុខ ហើយវាអាចដំណើរការបាននៅពេលល្បឿនម៉ូតូ ក្រោម ២០គីឡូម៉ែត្រក្នុងមួយម៉ោង។
ហើយចំពោះ Performance របស់ Ninja H2 ស៊េរី២០២៣ នេះវិញគឺមកដដែលទេ ដោយមានកម្លាំងម៉ាស៊ីន 998cc DOHC ប្រើនូវបច្ចេកវិទ្យាស្អំដើម្បីឲ្យត្រជាក់ម៉ាស៊ីន Liquid-Cooled និងមានស៊ីឡាំង ៤ ប៊ីតុង ១៦ ព្រមទាំងមានប្រអប់លេខចំនួន ៦លេខផងដែរ៕
អត្ថបទដោយ៖ ព្រឹម ភក្តី
