ក្រៅពីការផ្ញើសារដោយខ្លួនឯង អ្នកប្រើប្រាស់គួរប្រុងប្រយ័ត្នចំពោះ Telegram ដែលដំណើរការខុសប្រក្រតី កម្មវិធីបើកយឺត គាំង ឬបិទដោយខ្លួនឯងញឹកញាប់, ពិនិត្យឯកសារ ឬកម្មវិធីមិនស្គាល់ប្រភព រកឃើញ File ឬកម្មវិធីប្លែកៗក្នុងកុំព្យូទ័រ។ កុំព្យូទ័ររបស់អ្នក ដំណើរការយឺតខុសធម្មតា ទោះមិនបានបើកកម្មវិធីច្រើន, មានការជូនដំណឹងពីការ Login ដោយឧបករណ៍ផ្សេងដែលអ្នកមិនស្គាល់, ព័ត៌មានគណនីរបស់អ្នក ត្រូវបានផ្លាស់ប្តូរ Profile លេខសម្ងាត់ ឬ Email ត្រូវបានកែប្រែដោយគ្មានការអនុញ្ញាត។

ដើម្បីកាត់បន្ថយហានិភ័យ អ្នកប្រើប្រាស់គួរជៀសវាងការចុចតំណភ្ជាប់ ឬបើកឯកសារពីប្រភពដែលមិនគួរឱ្យទុកចិត្ត។ ប្រសិនបើសង្ស័យថាកុំព្យូទ័របានឆ្លងមេរោគ គួរផ្ដាច់ការតភ្ជាប់អ៊ីនធឺណិតជាបណ្ដោះអាសន្ន និងប្រើកម្មវិធីសុវត្ថិភាពដែលអាចទុកចិត្តបាន ដើម្បីស្កេនរកមេរោគ។

ជាមួយគ្នានេះ អ្នកប្រើប្រាស់គួរចូលទៅកាន់ផ្នែក Devices ឬ Active Sessions ក្នុង Telegram ដើម្បីពិនិត្យឧបករណ៍ដែលបានចូលគណនី និងបញ្ចប់ការភ្ជាប់ពីឧបករណ៍ដែលមិនស្គាល់។ អ្នកប្រើប្រាស់ គួរបើកមុខងារ Two-Step Verification ដើម្បីការពារគណនី ហើយប្រសិនបើសង្ស័យថាពាក្យសម្ងាត់ត្រូវបានបែកធ្លាយ គួរប្តូរវាភ្លាមៗពីឧបករណ៍ដែលមានសុវត្ថិភាព។

គួរបញ្ជាក់ថា ការមានសារចម្លែកៗ ឬឧបករណ៍មិនស្គាល់ក្នុងបញ្ជី Session អាចជាសញ្ញាព្រមាន ប៉ុន្តែមិនអាចបញ្ជាក់ដោយខ្លួនឯងថាកុំព្យូទ័រមានមេរោគជាក់លាក់ណាមួយឡើយ។ ការពិនិត្យសកម្មភាពគណនី និងការការពារព័ត៌មានសម្ងាត់ឱ្យបានត្រឹមត្រូវ អាចជួយកាត់បន្ថយហានិភ័យនៃការបាត់បង់គណនី និងទិន្នន័យផ្ទាល់ខ្លួន។