ដំណើរកម្សាន្តពិសេសនេះ ត្រូវបានរៀបចំឡើងក្នុងគោលបំណងបង្កើតឱកាសមាសជូនដល់អតិថិជនបានជួបជុំ សំណេះសំណាល និងបង្កើតអនុស្សាវរីយ៍ស្មោះស្ម័គ្រថ្មីៗជាមួយក្រុមគ្រួសារ ព្រមទាំងសមាជិកគ្រួសារ GAC Family ទាំងមូល។ ជាមួយគ្នានេះ កម្មវិធីក៏ជាវេទិកាដ៏ល្អប្រសើរសម្រាប់ម្ចាស់រថយន្ត GAC គ្រប់ម៉ូដែលក្នុងការរាប់អានគ្នា និងចែករំលែកបទពិសោធន៍ផ្ទាល់ខ្លួនជុំវិញការបើកបរ និងការធ្វើដំណើរកម្សាន្តរួមគ្នា។

ក្នុងរយៈពេល ២ ថ្ងៃនេះ ក្បួនរថយន្ត GAC បានធ្វើដំណើរសំដៅទៅកាន់តំបន់ទេសចរណ៍ល្បីៗក្នុងខេត្តកំពត និងកែប ដោយបានរួមចំណែកក្នុងសកម្មភាពកម្សាន្តជាច្រើន រាប់ចាប់តាំងពីការពិសាអាហារជុំគ្នា ការថតរូបសន្លឹកអនុស្សាវរីយ៍ រហូតដល់ការផ្លាស់ប្តូរស្នាមញញឹមយ៉ាងជិតស្និទ្ធ។ បរិយាកាសធម្មជាតិដ៏ស្រស់បំព្រង រួមផ្សំជាមួយពេលវេលាដ៏មានន័យ បានធ្វើឱ្យដំណើរកម្សាន្តនេះក្លាយជាបទពិសោធន៍មិនអាចបំភ្លេចបានសម្រាប់អ្នកចូលរួមគ្រប់រូប។

លើសពីការកម្សាន្ត កម្មវិធីនេះបានស្តែងឱ្យឃើញយ៉ាងច្បាស់ពីការយកចិត្តទុកដាក់ខ្ពស់របស់ GAC Cambodia ចំពោះអតិថិជន ដោយចាត់ទុកគ្រប់រូបជាសមាជិកដ៏សំខាន់នៃ GAC Family មិនមែនត្រឹមតែជាអ្នកប្រើប្រាស់រថយន្តនោះឡើយ។ តាមរយៈជំនួបដ៏មានន័យនេះ GAC Cambodia មានឱកាសទទួលយកមតិយោបល់ និងបទពិសោធន៍ពិតៗពីអតិថិជន ដើម្បីបន្តពង្រឹងគុណភាពសេវាកម្មឱ្យកាន់តែប្រសើរជាPage។ ការអញ្ជើញចូលរួមយ៉ាងច្រើនកុះករនៃរថយន្ត GS3 EMZOOM, EMKOO និង GN6 Pro សរុប ៣៥ គ្រឿង ក៏ជាសាក្សីភាពបង្ហាញពីភាពសកម្ម និងការរីកចម្រើនយ៉ាងឆាប់រហ័សនៃសហគមន៍អ្នកប្រើប្រាស់ GAC នៅកម្ពុជាផងដែរ។

ផ្អែកលើជោគជ័យនៃកម្មវិធី GAC Trip នេះ ក្រុមហ៊ុន GAC Cambodia ប្តេជ្ញានឹងបន្តរៀបចំនូវសកម្មភាព និងបទពិសោធន៍ថ្មីៗប្លែកៗបន្ថែមទៀត ដើម្បីបន្តពង្រឹងសហគមន៍ GAC Family ឱ្យកាន់តែរឹងមាំ និងជិតស្និទ្ធទ្វេឡើង។