ក្រុមហ៊ុន MG Cambodia បានប្រកាសតាមរយៈទំព័រហ្វេសប៊ុករបស់ខ្លួនថា អតិថិជនដែលកក់ទិញរថយន្ត MG7 2.0T (No spoiler) ម៉ូឌែលឆ្នាំ 2025 នឹងទទួលបាន iPhone 16 ជំនាន់ថ្មីបំផុត ទំហំអង្គផ្ទុក 256GB ដោយឥតគិតថ្លៃ។

ប្រូម៉ូសិននេះមានសុពលភាពរហូតដល់អស់ស្តុក ដោយមានកំណត់ត្រឹមតែ 10 គ្រឿងប៉ុណ្ណោះ ហើយក្រៅពីទូរស័ព្ទដៃ អតិថិជននឹងទទួលបានអំណោយបន្ថែមដូចជា កម្រាលជើង ស្រោមការពារកម្តៅ UV និងស្លាកលេខវែង។

ជាមួយគ្នានោះដែរ ក្រុមហ៊ុន BYD Cambodia ក៏បានប្រកាសការធ្វើប្រូម៉ូសិនស្រដៀងគ្នានេះដែរដោយ អតិថិជនដែលទិញរថយន្តអគ្គិសនី BYD Han EV នឹងទទួលបាន iPhone 16 ដោយឥតគិតថ្លៃដូចគ្នា។ កម្មវិធីនេះមានសុពលភាពចាប់ពីថ្ងៃទី 17 ដល់ថ្ងៃទី 30 ខែកញ្ញា ឆ្នាំ 2024។ ក្រុមហ៊ុនបានសង្កត់ធ្ងន់ថា ចំនួនមានកំណត់ ហើយលក្ខខណ្ឌផ្សេងៗត្រូវបានអនុវត្ត។

ប្រូម៉ូសិនទាំងនេះបង្ហាញពីការប្រកួតប្រជែងដ៏សកម្មនៅក្នុងទីផ្សាររថយន្តកម្ពុជា ដោយក្រុមហ៊ុននាំមុខគេកំពុងប្រើប្រាស់បច្ចេកវិទ្យាទំនើបៗ និង កាដូរប្រណីតដើម្បីទាក់ទាញអតិថិជន វាក៏ឆ្លុះបញ្ចាំងពីតម្រូវការកាន់តែកើនឡើងចំពោះរថយន្តប្រណីត និងរថយន្តអគ្គិសនីនៅក្នុងប្រទេសផងដែរ។

ការធ្វើទីផ្សារប្រូម៉ូសិន បែបនេះអាចជំរុញការលក់រយៈពេលខ្លី ប៉ុន្តែគុណភាពផលិតផល និងសេវាកម្មក្រោយការលក់នៅតែជាកត្តាសំខាន់សម្រាប់ជោគជ័យរយៈពេលវែងនៃយីហោនីមួយៗ។