ជាទូទៅរាល់ការជូនដំណឹងតាមការកំណត់ (Setting) របស់ទូរស័ព្ទដៃ iPhone គឺកំណត់ទៅតាមសេរ៊ី និងម៉ូដែល។ ថ្មីៗនេះអ្នកប្រើប្រាស់ iPhone បានលើកឡើងថាក្រោយពីដំឡើង Version IOS 18 រួចមកធ្វើឲ្យអ្នកប្រើប្រាស់ iPhone រអ៊ូថាទូរស័ព្ទឆាប់ក្តៅ និងស៊ីថ្មលឿន វាជារឿងមួយដែលអ្នកប្រើប្រាស់គួរដឹងក្រោយពីដំឡើងរួច តែទោះជាយ៉ាងណាក៏អ្នកប្រើប្រាស់តម្រូវឲ្យដំឡើងនូវមុខងារចុងក្រោយរបស់ IOS ដែរដើម្បីឲ្យទូរស័ព្ទដៃរបស់យើងមានដំណើរការល្អជាងមុន សុវត្ថិភាព និងអាចប្រើបាននូវមុខងារទំនើបផ្សេងៗដែលក្រុមហ៊ុន Apple បានកំណត់។ 
          ការអះអាងពីក្រុមហ៊ុន Apple បានលើកឡើងថារាល់បញ្ហាទាំងនេះមិនមែនមកពីការដំឡើងទាំងស្រុងឡើយ។ ក្រោយពីការរិះគន់យ៉ាងច្រើនពីអ្នកប្រើប្រាស់ iPhone ជាពិសេស Version 18.3 នេះប្រសិនបើមិនដំឡើងក៏ពិបាក និងពេលដំឡើងហើយក៏មានភាពពិបាកមួយចំនួនផងដែរ ប្រសិនបើអ្នកប្រើប្រាស់បានយល់នូវដំណោះស្រាយទាំងនេះ នោះយើងនឹងប្រើប្រាស់បានដោយងាយស្រួល និងទំនុកចិត្ត។ 

          ទាំងនេះជាមូលហេតុដែលទូរស័ព្ទឆាប់ក្តៅ និងស៊ីថ្មលឿន៖
•    គុណភាពថ្ម ជាទូទៅ Maximun Capacity ថ្ម១០០ភាគរយ តែបើយើងពិនិត្យឲ្យមែនទែនទៅថ្មទូរស័ព្ទមានត្រឹមតែ ៨០ ភាគរយចុះក្រោមប៉ុណោះ នេះហើយជាមូលហេតុទូរស័ព្ទស៊ីថ្មលឿន និងឆាប់ឡើងកំដៅ ដែលភាគច្រើនកើតឡើងលើទូរស័ព្ទម៉ូដែលសេរ៊ីចាស់ដែលធ្វើឲ្យគុណភាពថ្មធ្លាក់ចុះ។ 
•    មុខងារ AI ថ្មីរបស់ Apple ជាទូទៅមុខងារនេះនឹងបើកដោយស្វាយប្រវត្តិទៅលើ IOS 18.3 ដែលមានសម្ថតភាព Generate Touch និងរូបភាពដូចទៅនឹង AI ដ៏ទៃដែរ ដែលនេះជាមូលហេតុនៃការស៊ីថ្ម តែយ៉ាងណា អ្នកទាំងអស់គ្នាក៏អាចចូលទៅបិទនៅមុខងារនេះបានតាមរយៈ Setting 
•    ការបើកមុខងារមិនចាំបាច់ផ្សេងទៀតដោយមិនដឹងខ្លួន ដូចជាមុខងារទីតាំងដែលជា Location Service នេះជាមូលហេតុដែលធ្វើឲ្យទូរស័ព្ទអស់ថ្មលឿន និងឆាប់ឡើងកម្តៅផងដែរ ដូច្នេះហើយបើមិនចាំបាច់ទេអ្នកទាំងអស់គ្នាអាចធ្វើការបិទវាបានតាមរយៈ Setting ដោយរើសយកពាក្យ Never 
•    មុខងារ Background App Refresh ក៏ជាមូលហេតុដែលឲ្យទូរស័ព្ទស៊ីថ្មលឿន ក្នុងករណីអ្នកទាំងអស់កគ្នាមិនចាំបាច់ទេអាចធ្វើការបិទសិនបាន ដោយគ្រាន់តែចូលទៅកាន់ Setting រួចចុចពាក្យ General នោះនឹងឃើញពាក្យ Background App Refresh បន្ទាប់មកអ្នកទាំងអស់គ្នាអាចបិទ App មួយចំនួនដែលមិនប្រើប្រាស់បាន 
•    Transfer Reset iPhone ដើម្បីឲ្យទូរស័ព្ទរបស់យើងដំណើរការបានយ៉ាងល្អគួរតែប្រើនូវវិធីសាស្រ្តនេះ តែអ្នកទាំងអស់គ្នាគួរតែបម្រុងទុកមុនរាល់ទិន្នន័យ និងព័ត៌មានឲ្យបានល្អទៅកន្លែងដែលមានសុវត្ថិភាព ព្រោះជៀសវាងការបាត់បង់ទិន្នន័យសំខាន់ណាមួយ 
•    ម្យ៉ាងវិញទៀតក្នុងករណីទូរស័ព្ទរបស់អ្នកទាំងអស់គ្នាជិតអស់ថ្ម ដែលសល់ត្រឹម ២០ ទៅ ៣០ ភាគរយគួរតែបើកមុខងារ Low Power Mode ដើម្បីជួយសន្សំថ្មរបស់អ្នកទាំងអស់គ្នាបានមួយគ្រាដែរ បន្ថែមពីនេះការប្រើនូវមុខងារ Dark mode ក៏អាចជួយសន្សំថ្មទូរស័ព្ទបានដែរ។ 
          គូសបញ្ចាក់ថា រាល់ការដំឡើង Version របស់ IOS មិនមែនសុទ្ធតែផ្ដល់ផលអវិជ្ជមាននោះទេ អ្វីដែលយើងគួរដឹងនោះគឺមុខងាររបស់វាក្នុងការដំណើរការនៅលើទូរស័ព្ទ ដូច្នេះអ្នកទាំងអស់គ្នាអាចដំឡើងនូវ Version 18 នេះបានដើម្បីទទួលបានអ្វីដែលថ្មី និងមុខងារទំនើបៗពី Apple។

អត្ថបទដោយ៖ ងួន ឃុនណា