ប្រទេសឥណ្ដាមិនត្រឺមតែមានទឹកដីធំនោះទេ ថែមទាំងមានប្រជាជនច្រើនជាងគេនៅលើសាកលលោកទៀតផង។ ណាមួយប្រទេសនេះគេបានចាត់ទុកថាជាប្រទេសកំពុងអភិវឌ្ឍន៍ដែលមានអត្រា GDP របស់ប្រជាជនទាបនៅឡើយ ក៏ប៉ុន្តែប្រទេសមួយនេះមិនធម្មតាដូចដែលយើងគិតនោះទេ។
កាលពីថ្មីៗនេះក្រុមហ៊ុនផលិតម៉ូតូអគ្គិសនីរបស់ឥណ្ឌាមួយបានប្រកាសក្ដែងៗ ថាខ្លួននឹងផលិតម៉ូតូអគ្គិសនីរបស់ខ្លូនឲ្យបាន ១លានគ្រឿងដើម្បីផ្គត់ផ្គង់ទីផ្សារក្នុងស្រុកនិងក្រៅស្រុកទៀតផង។ យ៉ាងណាមិញក្រុមហ៊ុនមួយនេះបានបញ្ចេញម៉ូតូអគ្គិសនីបានជាច្រើនគ្រឿងមកហើយនៅក្នុងប្រទេសខ្លួន ដែលមានច្រើនស៊េរីដូចជា Hero Electric Optima HX , Optima , NYK HX , Flash និង photon ជាដើម។
ក្នុងចំណោមស៊េរីម៉ូតូអគ្គិសនីទាំងអស់នោះ Hero Electric Flash គឺមានតម្លៃតែ ៤៦៦៦៣ រ៉ូប៊ី ស្មើរនឹង ៦២៥ ដុល្លារដែលមានតម្លៃថោកជាងគេបង្អស់។
ចំពោះគ្រឿងម៉ាស៊ីនរបស់ស៊េរីមួយនេះដែលមានកម្លាំងងម៉ាស៊ីន ២៥០វ៉ាត់ ទម្ងន់ ៨៧ គ.ក ល្បឿននៃការសាកថ្មគឺ ៨-១០ ម៉ោងជិះបានចម្ងាយ ៥០ គ.ម ហើយមានល្បឿនអតិបរមាត្រឺម ២៥ គ.ម ក្នុង ១ ម៉ោង គែបានបំពាក់នៅ USB Charing Port ។ ការសាកថ្មនៅឯប្រទេសឥណ្ឌាមិនទាន់សូវមានច្រើននោះ ទើបការសាកថ្មម្ដងគឹត្រូវចំណាយពេលយូរតិចហើយ។
តាមការចុះផ្សាយរបស់កាសែតឥណ្ឌា ZEENEWS បានឲ្យដឹងថា ក្រុមហ៊ុន Hero Electric មួយនេះកំពុងមានគម្រោងបន្ថែមទៀតទៅការសាងសងកន្លែងសាកថ្ម ឲ្យកាន់តែច្រើន ហើយទំនើបជាងមុនដែលអាចកាត់បន្ថយរយះពេលសាកថ្មឲ្យឆាប់ជាងមុន។
ម្យ៉ាងវិញទៀតម្ចាស់ក្រុមហ៊ុននេះផ្ទាល់បាននិយាយថា « ក្រុមហ៊ុនរបស់ខ្លួនកំពុងតែបម្រុងបញ្ចេញនៅម៉ូតូអគ្គិសនី ២ ប្រភេទទៀត»។
