ភាគច្រើនអ្នកដែលចូលចិត្តប្រើ Google Chrome គឺប្រាកដធ្លាប់បានប្រើរួចមកហើយនូវមុខងារ Incognito ដែលជាមុខងារសម្ងាត់មួយនៅក្នុងការចូលទៅប្រើប្រាស់វេបសាយផ្សេងៗដោយមិនជាប់ History ឱ្យយើងឃើញទេពេលដែលយើងបិទវាចោល។ ប៉ុន្តែមិនមែនមានន័យថាវាមានសុវត្ថិភាពទាំងស្រុងនោះទេ ពេលដែលយើងមិនបានបិទ Tab ផ្សេងៗនៅក្នុង Incognito mode នោះ។
ហើយថ្មីៗនេះ Google ក៏បានធ្វើការបញ្ចេញមុខងារថ្មីមួយបន្ថែមពីលើ Incognito mode សម្រាប់អ្នកប្រើប្រាស់ Android ដោយបន្ថែមជាមួយនឹងការដាក់កូដសម្ងាត់ជាប្រភេទ PIN ឬ Pattern ជាដើម។ មានន័យថា រាល់ពេលដែលអ្នកចូលទៅក្នុងមុខងារ Incognito នេះគឺវាតម្រូវឱ្យកូដមួយតង់សិនទើបអាចចូលទៅប្រើប្រាស់បាន។
ចំពោះការដាក់បន្ថែមមុខងារថ្មីនេះ ចំពោះអ្នកប្រើប្រាស់ Android គឺអាចបង្កើនសុវត្ថិភាពបានមួយកម្រិត ជាពិសេសអ្នកដែលប្រើប្រាស់ទូរស័ព្ទដៃច្រើន ឬមានគេខ្ចីប្រើជាដើម ហើយយើងលែងបារម្មណ៍៍ថាគេនឹងអាចចូលទៅមើលផ្តេសផ្តាសទៀតហើយបើទោះបីជាយើងភ្លេចបិទ Tab នៅក្នុង Incognito mode ក៏ដោយ។
ដូច្នេះសម្រាប់អ្នកប្រើប្រាស់ Android គឺអាចចូលទៅសាកល្បងប្រើប្រាស់មុខងារថ្មីនេះបានតាមរយៈរូបខាងក្រោមនេះ។
អត្ថបទដោយ៖ រិន មករា
