ក្រុមហ៊ុន Google ត្រៀមវិនិយោគទឹកប្រាក់ ១ ពាន់លានដុល្លារអាមេរិក ដើម្បីសាងសង់មជ្ឈមណ្ឌលទិន្នន័យនៅប្រទេសថៃ ក្នុងការបន្ថែមហេដ្ឋារចនាសម្ព័ន្ធ cloud និងបញ្ញាសិប្បនិម្មិត (AI) នៅអាស៊ីអាគ្នេយ៍។
ការវិនិយោគនេះ ដែលរួមមានមជ្ឈមណ្ឌលទិន្នន័យ និង បច្ចេកវិទ្យា cloud ត្រូវបានព្យាករណ៍ថានឹងបង្កើតការងារជាមធ្យម ១៤,០០០ កន្លែងចាប់ពីឆ្នាំ ២០២៥ ដល់ឆ្នាំ ២០២៩ និងរួមចំណែកប្រមាណ ៤ ពាន់លានដុល្លារដល់ផលិតផលក្នុងស្រុកសរុប (GDP) របស់ប្រទេសថៃត្រឹមឆ្នាំ ២០២៩។ មជ្ឈមណ្ឌលទាំងនេះនឹងស្ថិតនៅក្នុងទីក្រុងបាងកក និងខេត្តឈុនបូរី។
Google ประกาศแผนลงทุนกว่า 3.6 หมื่นล้านบาท ร่วมกับรัฐบาลไทย ลงทุนในโครงสร้างพื้นฐานอย่าง Data Center และ Cloud Region พร้อมเปิดโอกาสให้คนไทยทุกคนเข้าถึงทักษะด้าน AI ได้มากขึ้น 🎉
— Google Thailand (@GoogleThailand) September 30, 2024
อ่านเพิ่มเติม → https://t.co/efiiEQKEED #AISamartThailand pic.twitter.com/l7wTk7WmvM
បន្ទាប់ពីជំនួបរវាងលោកស្រី Ruth Porat ប្រធាន និងប្រធានមន្ត្រីវិនិយោគនៃក្រុមហ៊ុន Alphabet និង Google ជាមួយនឹង លោកជំទាវនាយករដ្ឋមន្ត្រី ពែត៉ុងថាន សុីណាវ៉ាត្រា បានសម្តែងការដឹងគុណរបស់រដ្ឋាភិបាលចំពោះការគាំទ្ររបស់ Google ដល់គោលនយោបាយ Cloud First។ គោលនយោបាយនេះមានគោលបំណងពង្រឹងការគ្រប់គ្រងទិន្នន័យ ធ្វើឱ្យប្រតិបត្តិការរដ្ឋាភិបាលកាន់តែមានប្រសិទ្ធភាព និងផ្តល់សេវាកម្មដែលមានសុវត្ថិភាព និងបរិយាប័ន្នកាន់តែច្រើនសម្រាប់ប្រជាពលរដ្ឋថៃ។
លោកជំទាវក៏បានទទួលស្គាល់ផងដែរនូវកិច្ចសហប្រតិបត្តិការដែលកំពុងបន្តរវាង Google និងក្រុមប្រឹក្សាវិនិយោគ (BOI) ដើម្បីបង្កើតមជ្ឈមណ្ឌលទិន្នន័យដំបូងរបស់ប្រទេសថៃ។
ប្រភព៖ Google Thailand
