ថ្មីៗនេះ យោងតាមការចុះផ្សាយពី ក្រសួងសាធារណការ និងដឹកជញ្ជូន បានឲ្យដឹង ព្រឹកថ្ងៃនេះថា ស្ថានីយបញ្ចូលថាមពលយានយន្តអគ្គិសនីទាំង ៣ ទីតាំងរបស់ PTT ត្រូវបានដាក់សម្ពោធឲ្យប្រើប្រាស់ជាផ្លូវការហើយ ។
ក្នុងការដាក់សម្ពោធឲ្យដំណើរការប្រើប្រាស់ ស្ថានីយបញ្ចូលថាមពលយានយន្តអគ្គិសនីទាំង ៣ ទីតាំងនៅទីក្រុងភ្នំពេញ ក្រោមឈ្មោះ “EV STATION PLUZ”របស់ស្ថានីយប្រេងឥន្ធនៈ PTT ត្រូវបានធ្វើឡើងក្រោមអធិបតីភាពពី ឯឧត្តមទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន ។
គួរជំរាបផងដែរ សម្រាប់ទីតាំង ស្ថានីយបញ្ចូលថាមពលយានយន្តអគ្គិសនីទាំង ៣កន្លែង របស់ PTT នោះរួមមាន៖ នៅច្បារអំពៅតាមបណ្តោយផ្លូវជាតិលេខ១, ព្រែកព្នៅតាមបណ្តោយផ្លូវជាតិលេខ៥ និងស្ថានីយប្រេងឥន្ធនៈ PTT ជ្រោយចង្វារ ផ្លូវជាតិលេខ៦ ៕
អត្ថបទដោយ៖ ព្រឹម ភក្តី