Elon Musk ហាក់ជោកជ័យសម្បើមណាស់នៅលើជីវិតការងាររបស់លោក ប៉ុន្តែជីវិតគ្រួសារ មើលទៅនៅតែមានភាពរកាំរកូសជាហូហែ។ ថ្មីៗនេះមានរឿងដែលគួរឱ្យភ្ញាក់ផ្អើលមួយ ដោយកូនប្រុសរបស់លោក Elon Musk ឈ្មោះ Xavier Musk បានដាក់ឯកសារទៅកាន់តុលាការដើម្បីផ្លាស់ប្ដូរភេទពីប្រុសទៅស្រីដោយស្របច្បាប់ និងបានប្រកាសប្ដូរនាមត្រកូល ដោយកាត់ផ្ដាច់ទំនាក់ទំនងរវាងកូននិងឪពុក ឬអាចនិយាយមួយបែបទៀតថា លែងមានឈ្មោះជាកូនរបស់ Elon Musk តទៅទៀតហើយ។ នេះបើយោងតាមការចុះផ្សាយរបស់កាសែត Dailymail នៅថ្ងៃទី២១ ខែមិថុនា ឆ្នាំ២០២១ ។
ប្រភពដដែលបានបន្តទៀតថា Xavier Musk ដែលត្រូវបានគេដឹងថាមានអាយុ១៨ឆ្នាំ បានដាក់ឯកសារនៅរដ្ឋកាលីហ្វ័រញ៉ា គោលបំណងសុំប្ដូរឈ្មោះពី Xavier Musk ទៅជា Vivian Jenna Wilson។ យ៉ាងណាមិញឈ្មោះថ្មីនេះ ព្រោះគាត់ចង់យកនាមត្រកូលខាងម្ដាយមកដាក់វិញ ដើម្បីដល់ឈ្មោះឪពុកដែលមានពាក្យថា Musk ចេញ។ សម្រាប់រឿងនេះ គេនៅមិនទាន់ដឹងមូលហេតុដែលនាំទៅដល់ការបែកបាក់នេះនៅឡើយទេ។
គូសបញ្ជាក់ថា Elon Musk បានរៀបការជាមួយនឹង Vivian ដែលជាអ្នកនិពន្ធជនជាតិកាណាដាកាលពីឆ្នាំ២០០៨ ដោយចំណងដៃអាពាហ៍ពិពាហ៍នេះ អ្នកទាំងពីរទទួលបានកូន ៥នាក់ ដោយក្នុងនោះមានឈ្មោះ Xavier, Griffin, Damian, Kai, និង Saxon ដែលមកទល់បច្ចុប្បន្ននេះ ពួកគេពេញវ័យអស់ហើយ ប៉ុន្តែកូនៗខ្លះបានកើតតាំងពី អ្នកទាំងពីរ មិនទាន់រៀបការម្ល៉េះ ពោលគឺចាប់ផ្ដើមមានអំឡុងឆ្នាំ២០០២។
អត្ថបទដោយ៖ ផែន ផាន់ណា