លោក ប៊ិន ឆាយហុង បានលើកឡើងពីបញ្ហាប្រឈមជាក់ស្តែងនៅក្នុងទីផ្សារប្រទេសកំពុងអភិវឌ្ឍន៍ ដោយនិស្សិតដែលត្រៀមប្រឡង IELTS ដោយខ្លួនឯង ត្រូវចំណាយថវិកាយ៉ាងសន្ធឹកសន្ធាប់ខ្ទង់រាប់រយ រាប់ពាន់ដុល្លារ និងចំណាយពេលរាប់ខែ ឬដល់ឆ្នាំ។ ពួកគេត្រូវទិញសៀវភៅ Cambridge ចាស់ៗ បង់ថ្លៃសាលារាប់រយដុល្លារ និងជួលគ្រូបង្រៀនបន្ថែម គ្រាន់តែដើម្បីចង់ដឹងពីសមត្ថភាពពិតប្រាកដរបស់ខ្លួន ហើយជារឿយៗលទ្ធផលនៅតែមិនឆ្លើយតបនឹងការរំពឹងទុក។ ដោយមើលឃើញពីបញ្ហានេះ EinsteinAI ត្រូវបានបង្កើតឡើងមិនមែនត្រឹមតែជា Chatbot ធម្មតាដូចជា ChatGPT ឬ Gemini នោះទេ ប៉ុន្តែជាវេទិកាដែលផ្តល់នូវ "ការផ្លាស់ប្តូរ" ពិតប្រាកដ ជួយឱ្យសិស្សអភិវឌ្ឍសមត្ថភាពភាសាអង់គ្លេស និងទទួលបានពិន្ទុខ្ពស់ពិតមែន។

អ្វីដែលធ្វើឱ្យ EinsteinAI ក្លាយជាវេទិកាដ៏លេចធ្លោ គឺការបំពាក់នូវមុខងារស្នូលចំនួន ៦ យ៉ាងពិសេស៖

1- AI Power Grading (ការផ្តល់ពិន្ទុសុក្រឹត 98.7%)៖ ការដាក់ពិន្ទុរបស់ AI គឺមានភាពសុក្រឹតខ្ពស់ ដោយផ្អែកលើស្តង់ដាររបស់សាកលវិទ្យាល័យ Cambridge ដែលប្រៀបបាននឹងក្រសួងអប់រំនៅស្រុកខ្មែរក្នុងការកំណត់ស្តង់ដារបាក់ឌុបអញ្ចឹងដែរ។ ដំណើរការនេះក៏មានការត្រួតពិនិត្យ (Flow Check) ពីសំណាក់គ្រូជំនាញៗមកពីប្រទេសអាល្លឺម៉ង់ផងដែរ។

2- Custom Mock Test (បង្កើតវិញ្ញាសាថ្មីជានិច្ច)៖ ខុសពី Platform ធំៗដូចជា TestGlider ដែលប្រើប្រាស់តែវិញ្ញាសាចាស់ៗ EinsteinAI អាចបង្កើតវិញ្ញាសា IELTS ថ្មីៗដោយខ្លួនឯងមិនឱ្យជាន់គ្នាឡើយ។ វាចងចាំរាល់វិញ្ញាសាដែលសិស្សធ្លាប់ធ្វើ ហើយបន្តបង្កើតថ្មីជារហូត។

3- Real Exam Simulation (បរិយាកាសប្រឡងពិត)៖ នេះជាចំណុចពិបាកបំផុត (Bottleneck) ដែលទាមទារការស្រាវជ្រាវ (QA/QC) ខ្ពស់។ ប្រព័ន្ធនេះចម្លងទាំងស្រុងនូវបរិយាកាសប្រឡងលើកុំព្យូទ័រ ដែលមានតម្លៃ ២០០$-៣០០$។ វាមានដាក់សម្ពាធពេលវេលា មិនឱ្យចុចចេញផ្តេសផ្តាស និងមានប្រអប់សារ (Inbox) ផ្តល់ Feedback ដូចបរិយាកាស IELTS ពិតៗ។

4- Progress Tracking (ការតាមដានបែបហ្គេម)៖ ការសិក្សាត្រូវបានរៀបចំឡើងដូចជាការលេងហ្គេម (Gamification) ដែលផ្តល់ជាកម្លាំងជំរុញចិត្ត (Motivation) ដល់សិស្សឱ្យប្រឹងប្រែងបន្ត។

5- Real-time AI Speaking Evaluation (មេប្រយោគ AI ផ្ទាល់)៖ វាមិនមែនជាកម្មវិធីរៀននិយាយធម្មតាទេ តែ AI នេះដើរតួជាមេប្រយោគ (Examiner) ដែលអាចសន្ទនាផ្ទាល់យ៉ាងរលូន សួរសំណួរ ដាក់ពិន្ទុ និងកែតម្រូវកំហុសឱ្យបេក្ខជនភ្លាមៗតែម្តង។

6- Adaptive Personalized Learning៖ ដោយប្រើប្រាស់បច្ចេកវិទ្យា RAG កាលណាសិស្សកាន់តែប្រើប្រាស់ ប្រព័ន្ធនឹងកាន់តែយល់ពីសិស្ស ហើយវានឹងរៀបចំផែនការសិក្សា (Study Plan) យ៉ាងស័ក្តិសមបំផុតសម្រាប់បុគ្គលម្នាក់ៗ។

ទាក់ទងនឹងសុវត្ថិភាពទិន្នន័យ លោក ឆាយហុង បានសង្កត់ធ្ងន់ថា EinsteinAI អនុវត្តតាមស្តង់ដារអន្តរជាតិ GDPR យ៉ាងតឹងរ៉ឹង។ ប្រព័ន្ធប្រមូលតែទិន្នន័យចាំបាច់សម្រាប់ការសិក្សាប៉ុណ្ណោះ ហើយទិន្នន័យទាំងអស់ត្រូវបានរក្សាទុកយ៉ាងមានសុវត្ថិភាពនៅលើប្រព័ន្ធ Cloud របស់ Vercel ដែលមានការបំប្លែងកូដសម្ងាត់ (Encryption) ត្រឹមត្រូវ។ លើសពីនេះ អ្នកប្រើប្រាស់មានសិទ្ធិពេញលេញក្នុងការបើក ឬបិទមិនឱ្យប្រព័ន្ធប្រើប្រាស់ទិន្នន័យរបស់ពួកគេដើម្បីបង្វឹក AI ម៉ូដែលបានទៀតផង។

សម្រាប់គោលដៅអនាគត EinsteinAI មានចក្ខុវិស័យចង់ក្លាយជាប្រព័ន្ធអេកូឡូស៊ីមួយដូចទៅនឹងកម្មវិធី Grab ដែរ ប៉ុន្តែសម្រាប់វិស័យអប់រំ។ ថ្មីៗនេះ ក្រុមហ៊ុនទើបតែទទួលបានជោគជ័យក្នុងការចាប់ដៃគូជាមួយស្ថាប័ន Study In ដើម្បីបញ្ជ្រាបបច្ចេកវិទ្យា AI នេះចូលទៅក្នុងសេវាកម្មរបស់ពួកគេ។ នៅថ្ងៃខាងមុខ វេទិកានេះនឹងវិវត្តទៅជា Marketplace មួយដែលសាលាភាសាអង់គ្លេស ឬភ្នាក់ងារសិក្សាអប់រំអាចដាក់បញ្ចូលសេវាកម្មរបស់ពួកគេ ខណៈ EinsteinAI នឹងដើរតួជាអ្នកផ្គត់ផ្គង់រចនាសម្ព័ន្ធបច្ចេកវិទ្យា (AI Infrastructure) ជួយសាលាទាំងនោះតាមដានគុណភាពសិស្សឱ្យកាន់តែមានប្រសិទ្ធភាព។

ជាចុងក្រោយ លោក ឆាយហុង មើលឃើញថា ក្នុងរយៈពេល ៣ ទៅ ៥ឆ្នាំខាងមុខ យុវជនជំនាន់ថ្មីដាច់ខាតត្រូវតែចេះភាសាអង់គ្លេស។ AI នឹងមិនមកជំនួសគ្រូបង្រៀន ឬប្រកួតប្រជែងទម្លាក់សាលាប្រពៃណីឡើយ ប៉ុន្តែវានឹងរួមបញ្ចូលគ្នាជាមួយមនុស្សដើម្បីផ្តល់សេវាកម្មរឹតតែល្អ។ លោកបានផ្តល់ដំបូន្មានដល់អ្នកត្រៀមប្រឡង IELTS ថា ត្រូវមានឧបករណ៍សម្រាប់ស្ទង់កម្រិតខ្លួនឯងឱ្យច្បាស់ ស្វែងរកការកែលម្អលើចំណុចខ្សោយ មានផែនការសិក្សាផ្ទាល់ខ្លួន និងរក្សាវិន័យឱ្យបានខ្ជាប់ខ្ជួន។ ចំណែកឯយុវជនដែលចង់អភិវឌ្ឍប្រព័ន្ធ AI ថ្មីៗ លោកបានលើកទឹកចិត្តឱ្យចាប់ផ្តើមរៀនសូត្រមួយជំហានម្តងៗដោយខ្លួនឯង កុំបោះបង់ នោះជោគជ័យនឹងកើតមានជាមិនខាន។ 

អត្ថបទដោយ៖ ផែន ផាន់ណា
Tech Content Writer Local