ePack ត្រូវបានបំពាក់ដោយអេក្រង់ QLED ទំហំ 43 អ៊ីញពីរដែលអាចបង្ហាញពាណិជ្ជកម្មនៅពេលដឹកជញ្ជូន។ អេក្រង់នេះមានលក្ខណៈពិសេសអាចបន្ថយ ឬបន្ថែមពន្លឺទៅតាមស្ថានភាពនៃពន្លឺខាងក្រៅ បង្កើតបាននូវរូបភាពច្បាស់ល្អគ្រប់ស្ថានភាព។
កង់នេះមានទំហំស្រួលដឹកជញ្ជូនក្នុងទីក្រុងដោយមានទទឹង 90 សង់ទីម៉ែត្រ និងប្រវែង 5 ម៉ែត្រ។ ការរចនាដ៏ទាក់ទាញរបស់វា រួមបញ្ចូលនូវមុខងារបច្ចេកវិទ្យាទំនើប ធានាថាកង់អាចដឹកអីវ៉ានបានយ៉ាងមានប្រសិទ្ធភាព។

វាប្រើម៉ូទ័រ 250 វ៉ាត ដែលអាចជំនួយដល់ការធាក់ឲ្យកាន់តែស្រួល ហើយមានល្បឿនរហូតដល់ 25 គីឡូម៉ែត្រក្នុងមួយម៉ោង។ កង់នេះអាចផ្ទុកទំនិញបានរហូតដល់ 350 គីឡូក្រាម នៅក្នុងចន្លោះ 4 ម៉ែត្រគូប។ ក្រុមហ៊ុន CityShuttle ក៏បានរចនាដាក់កញ្ចាប់ហ្វាំង ធានាបាននូវសុវត្ថិភាពក្នុងការជិះក្នុងទីក្រុង និងបង្ការគ្រោះថ្នាក់ជាប្រសិទ្ធភាព។

តាមរយៈការរចនាដ៏ឆ្លាតវៃនិងបច្ចេកវិទ្យាទំនើបនេះ ePack គឺជាជម្រើសដ៏ល្អសម្រាប់ការដឹកជញ្ជូន និងការផ្សព្វផ្សាយពាណិជ្ជកម្ម។