តម្លៃប្រេងសាំងនៅតែបន្តឡើងថ្លៃ គ្មាននរណអាចនឹងស្មានដឹងមុនពីអំពីតម្លៃឡើងឬចុះនេះឡើយ ប៉ុន្តែយើងមានវិធីជៀសវាងបាន តាមរយ: ការប្រើប្រាស់នូវយានជំនិះជាអគ្គិសនីជំនួយវិញ ។ ជាក់ស្តែង ដូចជាកង់អគ្គិសនីនេះអ៊ីចឹង តម្លៃក៏ធូរថ្លៃ ថែមទាំងសន្សំសំចៃខ្ពស់ទៀត ចំណាយត្រឹមតែ ៥០០ រៀលទេ កង់អគ្គិសនីនេះអាចរត់ដល់ ៧៥ គ.ម ឯណោះ ។
កង់អគ្គិសនីឬ កង់អាគុយនេះ ត្រូវបាននាំចូលផ្តាច់មុខ និងចែកចាយមកកាន់ស្រុកខ្មែរ ដោយក្រុមហ៊ុន ហាសុ ប្រេន ដែលក្រុមហ៊ុនធំមួយនាំចូលនូវ ម៉ូតូកង់បួន ម៉ូតូអគ្គិសនី ព្រមទាំងកង់អាគុយនេះផងដែរ ។
បើយោងតាមសម្តីរបស់ ម្ចាស់ក្រុមហ៊ុន ហាសុ ប្រេនផ្ទាល់ បានប្រាប់មកកាន់ខាងក្រុមការងារ Technology Cambodia (ចាបខៀវ) បានឲ្យដឹងថា កង់អគ្គិសនីនេះត្រូវបានបំពាក់មកជាមួយអាគុយប្រភេទ Lithium Li-ion ចំនួន ៤ គ្រាប់មកស្រាប់ដែលមានកម្លាំងសរុប 48V ឬ 350W ។ ទំហំអាគុយប៉ុណ្ណេះ អាចសាកពេញចំណាយពេលត្រឹមតែ ៤ ម៉ោង តែប៉ុណ្ណោះ ព្រមទាំងអាចទ្រទ្រង់បានចម្ងាយរហូតដល់ ៧៥ គ.ម ប្រសិនយើងជិះជិតៗ ឬក៏ទៅធ្វើការ ទៅវិញទៅមក ចម្ងាយផ្លូវ ៥ គ.ម ជិះ ១ អាទិត្យ មិនទាន់អស់ថាមពលអាគុយផង ។
កង់អគ្គិសនីនេះមានចំណុចពិសេសជាង ម៉ូតូអគ្គិសនីទៅទៀត ដោយសារតែវាមានឈ្នានសម្រាប់ធាក់ដូចទៅនឹងកង់ធម្មតាអ៊ីចឹង ហើយមិនត្រឹមប៉ុណ្ណោះ ចំពោះការធាក់កង់នេះក៏សាកអាគុយផងដែរ ។
តួយ៉ាង ចំពោះកម្រិតល្បឿនរបស់កង់អាគុយនេះអាចបញ្ជាបានដល់ ៣ កម្រិតខុសៗគ្នា ដោយកម្រិតទី១ មានល្បឿន ២០ គម/ម៉ (ស្ទុះខ្លាំងល្មម អាចដឹងឥវ៉ានរបស់របរបានច្រើន ) កម្រិតទី២ មានល្បឿនល្មមគួរសម ២៥ គម/ ម៉ និង កម្រិតទី៣ ក៏ដូចជាកម្រិតដែលមានល្បឿនខ្ពស់បំផុតផងដែរគឺ ៣៥ គ.ម/ម៉ ។ ល្បឿនប៉ុណ្ណេះ វាក៏មិនសូវស្ទុះពេក ហើយក៏មិនលឿនពេកផងដែរ ព្រោះតែកង់អាគុយនេះផលិតមកសម្រាប់តម្រូវមនុស្សគ្រប់វ័យ ជាពិសេសសម្រាប់លោកយាយលោកតា មានវ័យចំណាស់ ក៏អាចជិះបានយ៉ាងងាយស្រួល និងមានសុវត្ថិភាពខ្ពស់ថែមទៀត ។
មិនតែប៉ុណ្ណោះ កង់អគ្គីសនីមួយនេះបានភ្ជាប់មកជាមួយនឹងប្រព័ន្ធសុវត្ថិភាពដ៏ឆ្លាតវ៉ៃដោយបញ្ជារលើ Smart key អាចចាក់សោរ ឬ ដោះសោរពីចំណាយ គ្រាន់តែយើងបញ្ជារតេឡេបន្ទាប់មកទៀត ចុចនូវប៊ូតង់ Lock 🔒 ពេលនោះ ប្រព័ន្ធសុវត្ថិភាពនឹងធ្វើការដោយស្វ័យប្រវត្តិ នឹងធ្វើការចាក់សោរភ្លាមៗ បើនិយាយឲ្យងាយយល់ ប្រសិនជាមានអ្នកមកចង់បណ្ដើរ ឬក៏ខណ:ពេលដែលមានចោរលួច ពេលនោះប្រព័ន្ធសុវត្ថិភាពនឹងបន្លឺជាសំឡេងខ្លាំង ព្រមទាំងធ្វើការ LOCK ហ្វ្រាំងកង់ទាំង២ ឲ្យជាប់មួយនឹកន្លែង ដោយមិនអាចឲ្យរំកិលឬបណ្តើរទៅមុខឬថយក្រោយបានទេ លុះត្រាតែលើកកង់ទាំងមូលទើបអាចទៅរួច ។
ចំណែកឯ គ្រឿងបំភ្លឺផ្លូវវិញ ចំពោះអំពូលផ្នែកខាងមុខជាប្រភេទ LED ភ្លឺចាំងបានល្អ រាងដូចគជ់ អមជាមួយនឹងអំពូល LED តូចៗព័ទ្ធជុំវិញរាងជាងចតុកោណកែងទៀតផង សូម្បីតែភ្លើងស៊ីញ៉ូ និងភ្លើងស្តុបផ្នែកខាងក្រោយក៏ជាប្រភេទ LED ដូចគ្នា ។ រីឯកន្លែងមើលនូវកុងត័រល្បឿនផ្សេងៗ ត្រូវបានរចនាបែបឌីជីថល LCD ផ្តល់នូវរូបភាពច្បាស់ មិនងាយនឹងស្រអាប់ឡើយ ។
សរុបមកអត្ថប្រយោជន៏នៃកង់អគ្គីសនីនេះមានច្រើនលើសលុប ពិសេសប្អូនៗ សិស្សានុសិស្សចាំបាច់ធ្វើដំណើររាល់ថ្ងៃទៅសាលាឆ្ងាយចំណាយសាំងច្រើនគួរងាកមកប្រើកង់នេះវិញ ដោយចំណេញថវិការរាល់ថ្ងៃដើម្បីចាក់សាំងនិង សុវត្ថិភាពធ្វើដំណើរដោយកំណត់ល្បឿនសមស្រប ។
គួរជំរាបផងដែរថា កង់អាគុយនេះបានដាក់លក់ក្នុងតម្លៃធូរថ្លៃជាងកង់អាគុយដែលកម្មង់តាមអនឡាយបកពីក្រៅប្រទេសទៅទៀត ដោយតម្លៃនៅស្រុកខ្មែរខ្ទង់ ៣០០ ដុល្លារទេ ហើយចំពោះការសាកសួរអំពីព័ត៌មានបន្ថែមអាចទាក់ទងតាមរយ:ផេកហ្វេកបុក HASA Brand និងលេខទូរស័ព្ទ និងតេលេក្រាម សម្រាប់ទំនាក់ទំនង 087575767/ 068575767 ៕
អត្ថបទដោយ ៖ ព្រឹម ភក្តី
