ជួក ភារ: ជាក្មេងប្រុសម្នាក់ដែលរស់នៅក្នុងជីវភាពគ្រួសារមធ្យម កម្រិតនៃការសិក្សាថ្នាក់ទី៤ ហើយគាត់បានពិការដៃខាងស្តាំ ប៉ុន្តែថ្វីបើគាត់ពិការដៃ តែមិនពិការសមត្ថភាពឡើយ ដោយគាត់ត្រូវបានជាប់ឈ្មោះ ចូលជាសមាជិកក្រុមតំណាងប្រទេសកម្ពុជា វិញ្ញាសា E-Sport: MLBB នឹងត្រូវត្រៀមខ្លួន ប្រកួតក្នុងព្រឹត្តិការណ៍អាស៊ានប៉ារ៉ាហ្គេម ២០២៣ ឆាប់ៗនេះ ដែលកម្ពុជាធ្វើជាម្ចាស់ផ្ទះ។
យោងតាមវីដេអូដែលបានបង្ហោះដោយ Cambodia 2023 អំពីប្រវត្តិខ្លះៗ របស់ ភារ: ដែលអ្នកលេងដៃ Jungler របស់ក្រុមតំណាងកម្ពុជា លើវិញ្ញាសា E-Sport: MLBB ព្រមទាំងត្រៀមប្រកួតអាស៊ានប៉ារ៉ាហ្គេមលើកទី១២ ឆ្នាំ២០២៣ ដែលកម្ពុជាធ្វើជាម្ចាស់ផ្ទះ។
ភារ: ជាមនុស្សដែលសមត្ថភាពខ្លាំង ជំនាញលើ Role : Jungle ដូចដែលបងប្អូនបានឃើញនៅក្នុងវីដេអូអញ្ចឹង គឺបានគាត់លេងនូវ Hero: Fanny ដែលជាហេរ៉ូបែប Assassin ហើយហេរ៉ូនេះ ពិតជាពិបាកលេងបំផុតក្នុងចំំណោមហេរ៉ូទាំង ១២១ ក្នុងហ្គេម Mobile Legends Bang Bang ។ ម្យ៉ាងវិញទៀត ហេរ៉ូនេះ ត្រូវការភាពរហ័សរហួតជាទីបំផុត ទើបអាចវាយបកទៅ Enemy ឬគូសត្រូវវិញបាន។
ផ្ទុយទៅវិញ ភារ: អាចលេងនូវហេរ៉ូ Fanny បានយ៉ាងស្ទាត់ជំនាញ ទោះបីជាគាត់ប្រើតែដៃម្ខាងក៏ពិតមែន ប៉ុន្តែសមត្ថភាព ភាពឆ្លាតវ៉ៃ ភាពរហ័សរហួន មិនចាញ់អ្នកមានកាយសម្បទាគ្រប់គ្រាន់ឡើយ។
ជាមួយគ្នាដែរនេះ ភារ: បាននិយាយថាដំបូងឡើយ គាត់ចូលចិត្តលេងហ្គេមណាស់ ក្រោយពេលដែលគាត់បានជូបនូវ ឧបទ្ទវហេតុពីរលើកមក ដែលធ្វើឲ្យគាត់បាត់បង់ដៃខាងស្តាំ។ អំឡុងពេលដែលគាត់លេងហ្គេមនោះ គ្រួសារមិនសូវជាពេញចិត្តទេ ប៉ុន្តែដោយឃើញថា គាត់ស្រឡាញ់ និងមានសមត្ថភាព និងអាចរកចំណូលចេញពីការលេងហ្គេមបានទៀត គ្រួសារភារ: ក៏ចាប់ផ្តើមយល់ និងបានលើកទឹកដល់ ភារ: ឲ្យខិតខំសម្រេចនូវក្តីស្រមៃរបស់ភារ:។
ជាចុងក្រោយ ភារ: មានពាក្យពេចន៍មួយចំនួនជូនដល់ជនពិការទាំងអស់នៅប្រទេសកម្ពុជា ក៏ដូចក្រៅប្រទេសផងដែរ ៖ “ទោះបីជាយើងពិការភាពពិតមែន តែយើងកុំបាកទឹកចិត្ត ប្រសិនជាយើងស្រឡាញ់នូវជំនាញខាងអ្វីមួយហើយ យើងត្រូវតែធ្វើវាឲ្យបាន ធ្វើឲ្យមនុស្សជុំវិញខ្លួនទទួលស្គាល់ ថាយើងធ្វើវាបាន” ។
អត្ថបទ៖ ព្រឹម ភក្តី
